耶穌會

耶穌會（西文：Compañía de Jesús），是羅馬天主教會下頭一個傳教修會，乃朝個總部來勒羅馬。

Una de las primeras versiones del sello de la Compañía de Jesús (Iglesia del Gesù, Roma). El trigrama "IHS", comprendido por las tres primeras letras griegas de "IHΣOYΣ" (Jesús).

發源

耶穌會是一群西班牙貴族立在天主教精神下頭建立個，建立背景是當時鬧猛個宗教改革。1534年，依納爵·羅耀拉搭沙勿略等西班牙貴族到巴黎個蒙馬特高地宣誓，成立耶穌會。1540年，教宗保羅三世批准了伊拉個申請，從此之後，耶穌會開始傳教活動。

興盛

耶穌會個主張儕是針對宗教改革個，所以具有強烈個傳教意識。伊拉個修士弗同於老早西多會，本篤會，弗主張出世修行，強調參與政治、外交、殖民、貿易等活動。來勒對東方以及美洲個傳教活動當中大放異彩，取得了交關成就。

16世紀中期，沙勿略來到葡萄牙個殖民地果阿，以此地為基礎，緩慢向印度大陸、日本以及明朝辰光個中國進行傳教活動。沙勿略來勒日本個活動取得爻驚人個成功，交關日本大名全皈依天主教，到17世紀初德川幕府閉關鎖國之前，日本個天主教徒已經達到總人口個十分之一哉。

來勒中國，耶穌會個活動也帶來深遠個影響，傑出個耶穌會傳教士利瑪竇拿天主教意搭當時辰光西方個科學技術結合，自家貤學習著儒家讀書人歡喜個交往方式，慢慢打開了明朝讀書人對外部世界個認識。來勒江南，利瑪竇結識了徐光啟，兩人個交往帶來西學東漸，也打開著傳教大門。到17世紀30年代，中國已經有數十座教堂哉。

來勒美洲，耶穌會也異常活躍，伊拉通過宗教影響當地個印第安人搭移民。來勒巴拉圭，伊拉還建立著一隻半獨立個宗教國家。一徑延續到1767年。

衰落

進入18世紀之後，耶穌會個傳教互動來勒全球範圍內開始衰落，西班牙殖民者對耶穌會神父弗聽伊拉號令個做法相當弗開心，來勒1767年將伊拉驅逐。東方情況也弗樂觀。日本搭滿清個閉關鎖國讓耶穌會失去了傳教個空間。18世紀末，教宗解散了耶穌會。

復興

19世紀後，耶穌會重新建立。後頭跟牢法國個殖民擴張，開始繼續傳教事業。弗過從迭個辰光開始，耶穌會再也恢復弗到老早重要個地位哉。

影響

耶穌會對歐洲搭東亞全帶來著邪氣深遠個影響。來勒歐洲，耶穌會提倡華麗個彌撒，參與政治活動，有效限制著新教個擴張。來勒亞洲，耶穌會帶來西方個思想，畀著東亞知識分子交關大個觸動。