广富林文化

廣富林文化，年代勒拉良渚文化同馬橋文化當中，距今4000多年，前後約600年^[1]。廣富林文化個地理範圍以上海市原松江縣佘山區廣富林村^[2]為中心，西到太湖西岸個江蘇宜興（駱駝墩遺址），北同江蘇興化南蕩搭仔王油坊連咾，南到浙江餘杭、蕭山一帶（浙江湖州錢山漾遺址頂典型，伊現在畀劃成獨立個錢山漾文化類型）。考古研究發現，伊是一個從中原來個人群，約莫距今4000年前到仔太湖流域，勒拉後頭幾百年裡向慢慢融入當地而消失^[3]。