张格尔

张格尔（维吾尔语：جهانگیر خوجا‎ Jahanghir Khoja；1790年—1827年），是清朝统治辰光，新疆白山派和卓波罗尼都个孙子、萨木萨克个二儿子。搭交关内亚野心家一样，伊也出生来勒满洲帝国个统治范围之外，伊是来勒浩罕汗国长大个。“张格尔”这三个字是波斯语个音译，意识是“征服世界个人物”。

生平

早年来勒内亚个喀布尔学习回教教义，来勒迭个辰光，开始搭英国间谍接触。伊有政治野心，准备回新疆恢复伊祖先阿帕克和卓辰光个回教神权统治。来勒嘉庆廿五年（1820年），伊三次潜入塔里木地区，发动叛乱，张格尔搭浩罕国王商定，事成之后，让浩罕占领天山南路个喀什嘎尔（今喀什市），同时，平分喀什噶尔等城个回教人口搭财产。

作乱

道光四年八月廿二日（1824年10月14日），张格尔带七十几个匪徒，袭击乌鲁克、图木舒克卡伦，弗过老快被清朝军队击败。张格尔到周边地区流窜。道光六年（1826年），张格尔发动规模最大个一次叛乱，伊以礼拜其祖先个麻札（坟墓）作为名号，利用穆斯林对信奉佛教个满洲皇帝敌视情绪，煽动宗教性质个叛乱，老快就占领喀什噶尔（今喀什）、英吉沙尔（今英吉沙）、叶尔羌（今莎车）、和阗（今和田）等地。张格尔为蛊惑穆斯林，还派人编写传单，讲伊哪能仁慈、哪能宽厚。还写诗文：但见其一面，即两世受福，但饮其杯茗，即百虑皆忘。当地个老百姓被伊蛊惑，侪舍命舍财来迎接迭个“神仙”。张格尔占领喀什噶尔之后，英国人派出间谍二十馀人充当顾问，训练伊个回回部队，同时提供援助。

伏法

满洲帝国晓得张格尔个叛乱后，命伊犁将军长龄搭陕甘总督杨遇春、山东巡抚武隆阿、扩肃提督齐慎等，率领吉林、黑龙江、陕西、甘肃、四川个清军三万多人，来勒阿克苏集中，迅速南下，攻克喀什噶尔等城。到道光八年（1828年）初，张格尔率领五百骑兵来袭，中途被发觉，只好反向奔逃。杨芳搭伊萨克等人急驰跟牢伊一昼夜，张格尔窜到喀尔铁盖山，只剩三十几个人还没跑，伊匍匐登山。被杨芳个副将胡超、段永福伏击，被生擒，解至北京，来勒午门凌迟杀脱。

参考资料

• 平定回疆擒剿逆裔方略.卷5.页8
• 《清史讲义》