彭浦镇

彭浦镇，是中华人民共和国上海市静安区下头一只乡镇级行政单位。彭浦镇面积7.88平方公里，户籍人口9.88万人（2008年）。^[1]

历史

彭浦个只名字从当地个河浜彭越浦来个。宋元年间，吴淞江受到霸王潮个影响，老百姓造庙来镇水灾，拿汉初大将彭越当神来供拉，取名彭王庙，河浜也就叫彭越浦。^[2]

清道光十三年（1833年），清朝设彭浦厂，向灾民赈灾施粥。宣统三年（1910年），彭浦改成乡。1928年，彭浦乡从宝山县划畀上海特别市，改成功彭浦区，后些来再改成功乡、公社、镇咾啥个，先后算上海特别市、沪北区、宝山县、北郊区、闸北区、静安区下头^[3]。