德川家茂

徳川家茂（假名：とくがわいえもち，1846年7月17號-1866年8月29號）是江戶幕府第14代征夷大將軍，伊出身紀伊德川氏，立在內鬥當中上位。畀幕府家老當做明君看待，1862年，根據公武合體個規則，搭和宮內親王結婚。弗過，個辰光德川幕府已經面臨邪氣大個尊王攘夷壓力，德川家茂立在1863、1865年兩趟上洛拜見天皇，也成為德川幕府自從德川家光之後第一個到京都拜見朝廷個將軍。立在德川家茂統治後兩年，長州藩個叛亂一直朆停歇，家茂氣急，得病死脫。大將軍個頭銜也轉移到伊老早個對手，水戶德川家個德川慶喜頭浪。