拿破仑二世

拿破崙二世(法文：Napoleon II，1811年3月20號-1832年7月22號，全名Napoléon François Charles Joseph Bonaparte ）是法蘭西第一帝國皇帝拿破崙一世唯一個兒子，伊個媽媽是奧地利帝國個公主瑪麗·路易莎。拿破崙二世出身之後，就畀伊爸爸套牢交關頭銜，包括所謂個羅馬王，迭個頭銜，按照拿破崙自家個幻想，是類似威爾斯親王，阿斯圖里亞斯親王之類個稱號，專門讓自家個帝位繼承人繼承個。弗過嘸多少辰光，因為拿破崙自家慘敗下台，伊個兒子也就跟牢老媽一道回到娘家維也納去哉，搭梟雄拿破崙分別骨肉，直到拿破崙死脫，也嘸碰面過。

拿破崙二世立在維也納自家娘家，生活條件是邪氣好個，弗過可能是遺傳毛病，伊身體一直弗靈光，從小就有交關病症，更弗好參加激烈體育活動。到1832年，伊突發疾病，死脫。拿破崙個直系後裔也就個能斷絕。