文化

文化是指人類所創造個精神財富，像文學、藝術、教育、科學、禮貌、節日咾啥。垃考古學丄就指同一歷史時期個遺跡、遺物個綜合體。同樣個工具、用具、製造技術等是同一種文化個特徵。有辰光文化儕指文明。

雖然早在原始社會時期，人類就已經形成個第一趟分工，產生仔農業民族搭仔畜牧民族，但早期文化儕是垃農業民族中產生個，因爲畜牧民族要逐水草而居，居無定所，弗容易產生大規模個聚居，對文字嘸沒迫切需要；而農業民族容易形成大部落，興修水利需要大量協同工作個人羣，所以頂早個大國家搭仔奴隸制儕是產生於農業民族。有仔大國家搭仔奴隸制至可以產生大批聚集個有閑階級，佢拉發明仔文字，促使形成腦力勞動搭仔體力勞動個人類第二趟分工。從而產生狹義個文化（廣義個文化指所有人類個活動，儕可以叫成功文化）。

文化個概念

文化隻詞起源自拉丁文個動詞「Colere」，意思是耕作土地（葛咾園藝學個英文是Horticulture），後引申爲培養一個人個興趣、精神搭仔智慧。文化概念是英國人類學家愛德華·泰勒垃1871年提出個。佢擔文化定義爲「包括知識、信仰、藝術、法律、道德、風俗以及作爲一個社會成員所獲得個能力同習慣個複雜整體」。此後，文化個定義層出弗窮，克萊德·克拉克洪垃1950年代尾搜集仔超過200個文化個定義。

文化垃漢語中實際是「人文教化」個簡稱。前提是有「人」至有文化，即是文化是討論人類社會個專屬語；「文」是基礎搭仔工具，包括語言搭仔文字；「教化」是昰隻詞個真正重心所在：作爲名詞個「教化」是人羣精神活動搭仔物質活動個共同規範（同時昰個規範垃精神活動搭仔物質活動個物件化成果中得到體現），作爲動詞個「教化」是共同規範產生、傳承、傳播以及得到認同個過程搭仔手段。

對文化個一排觀點

弗同學科對文化有弗同理解。

從哲學角度解釋文化，認爲文化從本質上講是哲學思想個表現形式。由於哲學個時代同地域性從而決定文化個弗同風格。一般來講，哲學思想個變革引起社會制度個變化，伴隨著對舊文化個鎮壓搭仔新文化個興起。

從存在主義個角度，文化是對一個人或一班人個存在方式個描述。人們存在垃自然之中，同時亦存在垃歷史搭仔時代之中；時間是一個人或一班人存在垃自然之中個重要平臺；社會、國家搭仔民族（家族）是一個人或一班人存在垃歷史搭仔時代之中個另一個重要平臺；文化是指人垃昰種存在過程中個言說或表述方式、交往或行爲方式、意識或認知方式。文化弗單衹用來描述一班人個外在行爲，文化特別包括作爲個體個人個自我個心靈意識搭仔感知方式。一個人垃返到自家內心世界辰光個一種自我個對話、觀察個方式。

文化個核心是佢個符號系統，例如文字。各文字體系有相應個認知心理。

特點

通過對弗同文化個比較研究，至可以瞭解文化個特點。

首先文化是共有個，是一系列共有個概念、價值觀搭仔行爲準則，是令個人行爲能力成爲集體可以接受個共同標準。文化搭社會是有密切關是，嘸沒社會就會嘸沒文化，但亦有眼嘸沒文化個社會。垃同一個社會裏面，文化儕弗一致。譬如，垃任何社會裏向，男同女個文化就有弗同。此外，弗同年齡、職業、階級等之間儕有得次文化個差異。

文化是學轉來個，而弗是通過遺傳而天生具有個。生理個滿足方式是由文化決定個，每種文化決定昰排需求點樣得到滿足。從昰個角度來看，弗包括人個靈長目動物儕有各種個文化行爲，但是昰排文化行爲衹是單向個文化表現像煞喫白蟻個方式、警戒個呼喊聲咾啥。搭人類社會中龐大複雜個文化象徵體系相比，就顯得有點微不足道。

參考：濡化

文化個基礎是象徵符號。其中最重要個是語言搭仔文字，但亦包含其他表現方式例如圖像（像煞圖騰旗幟）、肢體動作（像煞握手，吐舌）、行爲解讀（送禮）等。幾乎可以話整個文化體系是透過龐大無比個象徵體系深深植入人類個思維之中，而人亦透過昰套象徵符號體系理解；解讀呈現垃眼前個種種事物。因此點樣解讀各種象徵符號垃伊個文化個實質意義，點樣解讀象徵符號更成爲人類學，語言學等社會學科詮釋人類心智個重要方式之一。此外，文化作爲相互關是個整體而呈現出一體化個趨勢。

分類

• 史前文化
• 古代文化
  • 黃河流域文化
  • 尼羅河流域文化
  • 兩河流域文化
  • 印度河流域文化
• 中古文化
  • 古希臘、羅馬文化
  • 古波斯文化
  • 古印度文化
  • 古代中國文化
• 中世紀文化
  • 基督教文化
  • 伊斯蘭文化
  • 印度文化
  • 儒家文化
• 近代文化
  • 帝國主義文化
  • 殖民地文化
• 現代文化
  • 社會主義文化
  • 資本主義文化
  • 第三世界文化
• 後現代文化
  • 發達國家文化
  • 發展中國家文化
  • 最不發達國家文化
• 未來文化

別樣

• 文化例外
• 文化研究