語言

語言，就廣義來講，是成套個溝通以及符號、表達方式搭處理規則，一般撥稱爲文法。符號通常稱之爲文字，會得以視覺、聲音或者觸覺個方式來進行傳達。

用弗同語言表示個《世界人權宣言》第一條

嚴格來話，語言是指人搭人之間溝通用個語言——自然語言。在一個先進個社會中，一般人全要通過學習再好獲得語言能力。語言個目的是交流觀念、意見、思想咾啥。語言學就是從人類研究語言分類與規則隨後發展出來個。研究語言個專家撥謳作語言學家。

當人發現爻某點動物譬方海豚好以某種方式溝通，就誕生著動物語言個概念。20世紀由於計算機誕生，人需要撥計算機指令，箇種對機器個「單向溝通」便叫計算機語言。

語言搭方言

語言衹是一種有政治地位個方言，方言就是政治地位低下個語言。拋開政治因素，就其自然屬性來話，任何方言全毫無疑問是種語言。西班牙社會語言學家，禱義•髦拉(Toni Mollà)在其著作《Manual desociolingüística》2005年第二版P55-56中指出：純從學術角度來話，嘸沒可普遍適用交撥普遍接受個原則來區別「語言」替「方言」。 法國語言學家亨利埃德•懷爾傣（Henriette Walter）在其著作《法語全方位》裏明確指出：「方言是種語言」，外加話：「法語衹是一種成功個方言lefrançais n'estqu'un patois qui a réussi」。寔句言話撥包括法蘭西學術院院士愛力克•奧賽拿在內個交關學者，直接引用爲：語言衹是一種成功個方言。

出生嘞俄羅斯帝國個（今拉脫維亞）一德語家庭，娶著個猶太妻子，二戰時候移居美國的）知名社會語言學家、意第緒語學家馬克斯•魏因賴希（Max Weinreich 俄語 МейерЛазаревичВейнрейх）有曾話歇一句名言：「語言就是擁有陸軍搭海軍個方言（Unelangue est un dialecte avec une armée et une flotte./Alanguage isa dialect with an army and navy.）」。

語言學家羅傑瑞在《漢語概論》中個言話：「大家儂常莊講，漢語方言是弗同個語言。確實是寔然，有眼大學當中，亞洲語言系會得擔普通話交廣東話分開敎，就像德語系擔德語搭荷蘭語分開敎一樣。但是，啥是語言、啥是方言，無法絕對分清。弗管如然話，衹要清漺漢語方言區別邪大便是。對歷史語言學家來話，漢語更加像一隻語系，而弗像幾種方言裏個單一語言然介，漢語方言個複雜程度替歐洲個羅馬語系交關相似。」

人造語言

• 世界語

另見

• 方言
• 克里奧爾語

外部連結

維基共享資源里向尋得著搭該篇文章搭界個多媒體資源：

語言

• Distribution of languages on the Internet (2002)（英語）
• New Internet Language (Angle Theory) 檔案，存勒網際網路檔案館當中。（2019年8月3號）
• The impact of language in a globalised world - Goethe-Institut（英語）
• Top Languages in the world Internet usage population and penetration report (Nov 2007) 檔案，存勒網際網路檔案館當中。（2012年4月26號）（英語）
• World Atlas of Language Structures（英語）
• Wiki of Languages and constructed Languages（英語）