文在寅

文在寅（韩语：문재인／文在寅 ^{Mun Jae-in}；1953年1月24号生），大韩民国第19任总统，2015年至2016年担任共同民主党代表。

伊弗做总统仔么，有韩国保守团体勒垃伊屋门口弗分白天夜头集会抗议，用高音喇叭肏铲伊，到伊报警个辰光伊已经畀个帮团体铲仔20天哉。^[1]伊还自家开仔爿“坪山书店”。^[2]

2022年8月19号，首尔中央地方检察厅、大田地方检察厅用怀疑文在寅滥用职权、提早关脱月城核电站1号机组咾啥个因头，搜查两趟伊个档案。共同民主党方面批评个“是政治报复”，要求立时三刻中止调查。^[3]

2024年8月30号，韩国检察机关对文在寅女儿多惠个房子进行搜查，搜查令上拿文在寅划到受贿嫌疑人里向，认为伊收贿赂拿伊前女婿安排进易斯达航空做高官。^[4]2025年4月24号，检察院用个桩案子起诉伊。文在寅方面对搿个指控予以坚决否认，伊讲搿是"荒唐无稽个起诉"，是"对尹锡悦被弹劾个报复性起诉"，指责检方滥用权力、搞政治迫害。^[5]