方濟各（教宗）

方濟各（拉丁語：Franciscus；西班牙語：Francisco；意大利語：Francesco，1936年12月17號—2025年4月21號）本名豪爾赫·馬里奧·貝爾戈里奧（西班牙語：Jorge Mario Bergoglio）是天主教第266任教宗，2013年3月份，當選教宗，之後推行一系列所謂自由化策略，獲得交關歐洲搭美國左翼新聞媒體個讚許。弗過，因為伊個交關言論弗符合傳統天主教個定義，讓一部分教徒對伊弗大滿意，認為伊是個左派。方濟各搭美國個總統奧巴馬之類個左派，關係邪氣好，立在歐洲2015年難民危機開始之後，有好幾趟要求歐洲敞開國門接收難民。

方濟各（2021）

2025年4月21號當地辰光上半日9點35分，總務樞機凱文·若瑟·法雷爾宣布，方濟各勒垃當天早浪向7點35分個辰光，勒垃聖瑪爾大之家逝世，終年88歲。^[1]

名頭

貝爾戈里奧揀仔「方濟各」第隻名頭來紀念亞西西個方濟各。^[2]聖座特別澄清新教宗個名號是方濟各咾弗是「方濟各兩世」，一個聖座個發言人指出，假使講下趟出現方濟各兩世個閒話，再會得拿難朝個教宗個名號改成功「方濟各一世」。^[3]天主教會有一隻重要個傳統，就是教宗會得揀以前教宗個名號當作自家個名號，1978年個辰光若望·保祿一世擔第隻傳統打破脫哉，渠擔兩隻前任教宗用過個名號並垃一淘用作自家個名號。若望·保祿一世以前，要到10世紀初，箇辰光個教宗蘭鐸也選仔全新個名號。《華盛頓郵報》認為貝爾戈里奧選仔一隻朆用過個教宗名號，作興是要表明天主教會勒垃變革個路丄。^[4]