朱由检

朱由檢（1611－1644）是明朝阿末一個皇帝。渠是明光宗第五個兒子，也是明熹宗朱由校個異母阿弟^[1]。在渠場阿哥死脫之後當上明朝個皇帝，年號崇禎。初期擔魏忠賢做脫，扶持東林黨重新上台，畀江南文人吹捧成明君。但之後，自家性格毛躁、疑神疑鬼個毛病，慢慢然暴露出來哉。對待流寇搭後金個兩面夾擊，也無何好辦法，逐漸陷入內外交困，末腳在崇禎十七年李自成進入北京個辰光，在煤山上吊。明帝國個全國統治也到此終結。

性格

朱由檢性格邪氣多疑，渠當皇帝辰光，常年擔內閣首輔個職位調人。前後共總有三四十個閣老，交關全畀渠殺脫。對軍事將領，渠個脾氣便越加大，上來無幾年，就殺袁崇煥，後首來，貤逼煞孫傳庭，搭臣子個對立，讓崇禎自家更孤家寡人，反過來讓渠更加嫌鄙大臣。死脫之前絕筆還寫【朕自登基十七年，雖朕薄德匪躬，上干天怒，然皆諸臣誤朕，致逆賊直逼京師。】