朱由校

明熹宗朱由校（1605－1627）是明朝在末第二個皇帝。渠是明光宗個大兒子，也是明神宗朱翊鈞個皇太孫^[1]。萬曆四十八年七月，渠場爹爹(da-da)明神宗駕崩，八月，渠場爺朱常洛即位，弗過一隻月後，就因為春藥吃來忒多咾死脫。之後，朱由校在移宮案里向，隑著東林黨個劉一燝、周嘉謨、楊漣、左光斗之類東林黨大臣個牌頭上位。第二年，擔年號改成功著天啟。朱由校統治階段，對政治問題無何興趣，碰著何事干統聽自家奶嬸嬸客氏搭老奴魏忠賢個。之後，魏忠賢搭東林黨爆發著矛盾，朱由校支持魏忠賢，擔東林黨做脫。同時，擔東林黨個據點蘇南地區統統端脫，激發著江南士大夫邪氣劇烈個弗滿，因此，朱由校畀渠場當成功昏君。

明熹宗像

死脫

天啟七年（1627年）八月，朱由校搭客氏、魏忠賢一淘，到西苑薄相。在橋北淺水處大船丄吃老酒。貤搭王體乾、魏忠賢，喊兩個親信宦官陪同，到深水區域趁船盪漾。結果，大風一來，船翻脫，傷風、發寒熱。貤吃太醫個仙丹，開始得水腫病，無幾許辰光，便死脫哉。

愛好

朱由校歡喜做木工，水平比交關工匠還要高。渠平常弗大上朝，就歡喜一家頭在紫禁城後宮做木匠生活。真真搭路易十六一色哉。