春申塘

春申塘，黃浦江個支流，來勒上海市西南，乃朝河道西起松江區蟠龍塘，東到黃浦江，長約莫9公里，大部分來勒閔行區。

歷史

相傳春申塘是春秋戰國個春申君開挖個，有兒歌：「啷啷啷啷啷啷，爺娘去開黃浦江，回來又開春申塘，領頭大爺春申君，住在伲村黃泥浜」^[1]。春申塘歷經疏浚過多𡍲。1978年截彎取直，放棄老個河道，河道長度短仔4.4公里^[2][3]

2005年因河道淤積、水質差（V類）等問題畀政府排進市級郊區「萬河整治行動」整治當中^[4]:4，河道總闊30到60米弗等，常水位2.3到2.8米，防汛護岸高4.3米，排水標準是24個鐘頭雨量192.9mm。黃浦江到滬閔路是VI級航道，可通行100噸以下船舶，來勒進黃浦江個入江口設有水閘^[4]:15。河道兩壗𡍲有水生植物，沿線支流有5000平方米個人工濕地來吸附水裏向個有害物事，改善水質，做景觀^[5]。