普朗克單位

普朗克單位（英語：Plank units）是一種測量單位系統，是德國物理學家馬克斯·普朗克來在1899年最先提出個。在粒子物理學搭物理宇宙學裏向，伊根據下頭四隻普世物理常數：光速c，萬有引力常數G，約化普朗克常數（也謳作狄拉克常數）ħ，玻爾茲曼常數k_B來定義。用普朗克單位來表示箇許常數，箇數值是1。箇中測量單位系統，弗是以選定個原型物事（prototype object）個性質，卻情是以自由空間個基本性質來定義個。箇個單位制度對研究統一理論，比方講量子引力，有重要意義。

在佢個第一本交關自然單位個出版物中央，是嘸忖用電磁單位個，後髖，因之對箇需求明顯，纔加上去個。現代，普朗克單位有時候也會得包括一隻額外個電荷單位ϵ0，好規範電磁相互作用交關個方程，箇便加上爻普朗克電荷qP，是1.875×10−18庫侖光景。搭國際單位制情況弗樣，因之伊是自然單位制，伊個「1」嘸官方個定義，各個作者儕有眼弗一樣。來箇出版物中央，佢用個也是普朗克常數h，但瑲朞版本會用約化普朗克常數ℏ。

何物測量系統儕好指定一組互相獨立個基本量搭交關個基本單位，赫再導出各許量搭單位。打比方，在國際單位制裏向，基本量長頭，對應單位是米。在普朗克單位系統裏向，好走選差弗多個一組基本量搭交關單位，來表示各許量搭一樣個單位。^[1]普朗克長度是大家曉得個長頭個普朗克單位，赫普朗克時間便是辰光個普朗克間隔，但箇命名嘸擴展着全部量。

所有普朗克單位從定義箇系統個有量綱個普遍物理常數中央起源，赫再按簡略約定個略去單位（也便是畀佢侇望成無量綱量1），箇許常數便從出現個物理方程中央消脫。打比方講，牛頓萬有引力定律：

$F=G{\frac {m_{1}m_{2}}{r^{2}}}$

用普朗克單位後，好表示成：

${\frac {F}{F_{\text{P}}}}={\frac {\left({\frac {m_{1}}{m_{\text{P}}}}\right)\left({\frac {m_{2}}{m_{\text{P}}}}\right)}{\left({\frac {r}{l_{\text{P}}}}\right)^{2}}}$

箇兩隻方程在何物量系中央都是量綱一樣搭有效個，但第二隻方程嘸G，只涉着無量綱量，因之何物兩隻量綱樣個量個比便是嘸量綱量。假使通過簡略約定（shorthand convention），各個物理量便是一樣個普朗克單位個相應個以普朗克單位表示個比值。上述比值好簡單用物理量個符號表示，明確縮放箇到相應單位是弗必要個。綜上得出嘸G個方程：

$F'={\frac {m_{1}'m_{2}'}{r'^{2}}}$

箇嘸G方程來扗F′、m1′、m2′搭r′儕是對應標準量個無量綱量個辰光是有效個，但弗是直接個等量。箇望起搭因之對應個量畀認作相等，便畀許常數設成1樣個。因箇，用普朗克或各許自然單位個辰光必須當心。保羅·S·維森（英語：Paul S. Wesson）便認為，畀G當作=c=1個巧法，數學上頭好接受，但物理上頭有可能有信息嘸脫。^[2]

介紹

歷史搭定義

相關條目

參考資料

Wikiwand - on