普朗克尺度

普朗克尺度（英語：Planck scale），指個是空間、時間、能量搭各許單位個量值，許量值搭相應個普朗克單位相似。箇範圍大約莫是，粒子能量在10^19 GeV或10^9 J光景（對應普朗克質量個能量當量），辰光間隔在5.392×10^-44秒光景，長頭在10^-35米光景。普朗克尺度丄，量子引力變扗候明顯，標準模型、量子場論搭廣義相對論個預估弗適用爻。一個例子是距瑲138億年光景個宇宙大爆炸（Big Bang）最頭先10^-43秒個情況。箇許情況下頭，瑲朞量子場論中對亞原子粒子個描述便變扗失效搭弗充分爻，重力個弗可重整化也成仔問題。^[1]