朴槿惠

朴槿惠（（韩语：박근혜／朴槿惠 ^{Park Geun-hye}，1952年2月2号生）），大韩民国政治人物，朴正熙个大囡儿。2013年开始做大韩民国总统。2016年年底，伊因为"亲信干政"个丑闻拨国会弹劾，2017年3月10号正式罢免脱伊个总统职务^[1]，成为韩国头一個畀彈劾下去个总统，随后就拨逮捕关进看守所。

朴槿惠

官司审仔交关辰光。2018年4月6号，一审认定伊受贿、滥用职权、泄露公务机密等罪名成立，判仔伊24年监禁，还要交180亿韩元个罚款。^[2]同年8月24号，首尔高等法院二审加重伊个刑罚，判到仔做25年监牢，罚款也加到200亿韩元。^[3]2019年8月29号，韩国大法院撤销二审法院个刑罚，发回首尔高等法院（韩语：서울고등법원）重审。^[4]2020年7月10号，首尔高等法院对朴槿惠重审宣判，判伊做20年监牢^[5]。2021年1月14号，韩国大法院终审判决，判伊做20年监牢^[6]。弗过，只关到2021年12月24号，伊就畀文在寅总统特赦出来哉。虽然法院讲伊从大企业搿头收仔交关贿赂，但特赦个理由讲是因为伊身体弗好，要促进国民团结。^[7]