欧几里得

欧几里得（希腊文：Ευκλειδης，前325年—前265年），有辰光讴佢亚历山大里亚个欧几里得，好区别于墨伽拉个欧几里得，古希腊数学家，畀人称为“几何学之父”。佢活跃垃托勒密一世（公元前323年－公元前283年）时期个亚历山大里亚，也是亚历山太学派个成员。佢垃著作《几何原本》里向提出五大公理，成为欧洲数学个基础。欧几里得也写过歇一些关于透视、圆锥曲线、球面几何学及数论个作品。欧几里得几何畀人广泛认为是数学领域个经典之作。

著作

欧几里得制作正十二面体

垃拉牛津大学自然历史博物馆个欧几里得石像

除脱《几何原本》之外，欧几里得至少还有得另外五本著作流传至今。渠场搭《几何原本》一样，内容侪包含定义及证明。

• 《给定量给定量（英语：Data (Euclid)）》（Data）研究几何问题里向给定元素个性质搭意义，内容伉《几何原本》个前四卷有密切关系。
• 《图形个分割》（On divisions of figures）现存拉丁文本，论述用直线担已知图形分成功相等个部分或成比例个部分，内容搭希罗（Heron of Alexandria）个作品相似。
• 《反射光学》（Catoptrics）论述反射光垃数学里向个理论，尤其论述形在平面及凹镜丄个图像。但有排人质疑昰本书是否真正出自欧几里得之手，渠个作者作兴是亚历山大里亚个忒翁亚历山大里亚的忒翁（英语：Theon of Alexandria）。
• 《现象》（Phenomena）是一本关于球面天文学个论文，现存希腊文本。本书搭奥托里库斯（Autolycus of Pitane）写个On the Moving Sphere相似。
• 《光学光学（英语：Euclid's Optics）》（Optics）早期几何光学著作之一，现存希腊文本。本书主要研究视觉问题个几何方面，叙述视线个入射角等于反射角咾啥。