欧几里得

歐幾里得（希臘文：Ευκλειδης，前325年—前265年），有辰光謳佢亞歷山大里亞個歐幾里得，好區別於墨伽拉個歐幾里得，古希臘數學家，畀人稱為「幾何學之父」。佢活躍垃托勒密一世（公元前323年－公元前283年）時期個亞歷山大里亞，也是亞歷山太學派個成員。佢垃著作《幾何原本》裏向提出五大公理，成為歐洲數學個基礎。歐幾里得也寫過歇一些關於透視、圓錐曲線、球面幾何學及數論個作品。歐幾里得幾何畀人廣泛認為是數學領域個經典之作。

著作

歐幾里得製作正十二面體

垃拉牛津大學自然歷史博物館個歐幾里得石像

除脫《幾何原本》之外，歐幾里得至少還有得另外五本著作流傳至今。渠場搭《幾何原本》一樣，內容儕包含定義及證明。

• 《給定量給定量（英語：Data (Euclid)）》（Data）研究幾何問題裏向給定元素個性質搭意義，內容伉《幾何原本》個前四卷有密切關係。
• 《圖形個分割》（On divisions of figures）現存拉丁文本，論述用直線擔已知圖形分成功相等個部分或成比例個部分，內容搭希羅（Heron of Alexandria）個作品相似。
• 《反射光學》（Catoptrics）論述反射光垃數學裏向個理論，尤其論述形在平面及凹鏡丄個圖像。但有排人質疑昰本書是否真正出自歐幾里得之手，渠個作者作興是亞歷山大里亞個忒翁亞歷山大里亞的忒翁（英語：Theon of Alexandria）。
• 《現象》（Phenomena）是一本關於球面天文學個論文，現存希臘文本。本書搭奧托里庫斯（Autolycus of Pitane）寫個On the Moving Sphere相似。
• 《光學光學（英語：Euclid's Optics）》（Optics）早期幾何光學著作之一，現存希臘文本。本書主要研究視覺問題個幾何方面，敍述視線個入射角等於反射角咾啥。