殷行街道

殷行街道是中國上海市楊浦區個一隻街道辦事處，來勒楊浦區東北部，面積9.52平方公里，戶籍人口14.54萬人。因為整隻地區個主幹道是中原路、部分工人新村個名字叫中原，故咾貤叫中原地區，簡稱中原。

殷行街道所在地來勒1217年隸屬嘉定縣，明朝個辰光設置殷行鎮。1724年劃畀寶山縣。清朝乾隆年間先後來勒箇埭設置殷行廠、殷行鄉。1927年，伊劃畀上海特別市，成立殷行區。1960年10月份，箇埭是吳淞區殷行路街道。1964年4月份，吳淞區搭仔殷行路街道撤銷，地方劃畀楊浦區。1980年，吳淞區恢復，1984年5月，此地又劃畀吳淞區，同年9月份再次劃畀楊浦區。1985年4月份，殷行街道設立。^[1][2]

箇埭本來有條河浜叫中原河，西接虬江北連黃浦江；1990年代初，時任上海市市長個朱鎔基宣布開發中原地區，拿河填沒脫，開闢成中原路。街道里向主要新村有開魯新村、工農新村、殷行新村、國和新村、市光新村、民星新村、水電新村、包嶺新村，主要道路有中原路、包頭路、殷行路、開魯路、市光路、國和路等。