汉字简化方案

《汉字简化方案》，是1950年代中华人民共和国国务院公布个汉字简化个规范，是中华人民共和国汉字改革个主要内容之一^[1]。因为后些来又出现第二次汉字简化方案，故咾迭只改革方案貤叫第一次汉字简化方案。1986年，伊畀《简化字总表》取代脱。

结构

1956年公布个《汉字简化方案》

《汉字简化方案》一共有三部分，分别是：

1. 第一部分〈汉字简化第一表〉，共收230只简化字，1956年2月1号开始全面推行；
2. 第二部分〈汉字简化第二表〉，共收285只简化字；
3. 第三部分〈汉字偏旁简化表〉，共收54只简化偏旁。

〈汉字简化第二表〉搭〈汉字偏旁简化表〉是“公布试用”，向各地政协委员征求意见以后先做些修正，再正式分批推行。

第一表搭第二表个简化字加起来总共515只。

方案个推行

1956年到1959年，《汉字简化方案》个简化字，分四批来勒印刷物丄正式推行，总共517个简化字，个当中第一表搭第二表个简化字有487只，还有30只类推简化字：

• 1956年2月1号，推行第一批简化字，共260只。（包括第一表230只简化字，搭仔30只类推简化字。当中“铁”“观”“觉”“证”四字简化成“铁”“覌”“覚”“证”，到第四批推行个辰光才简化偏旁部首。）
• 1956年6月1号，推行第二批简化字，共95只。（“临”简化成“”，8年以后个《简化字总表》丄改成“临”。）
• 1958年5月15号，推行第三批简化字，共70只。
• 1959年7月15号，推行第四批简化字，共92只，并规定简化偏旁来勒出版物上“陆续推行”，弗再分批公布。（方案里向，“钟”本来只是“钟”个简化字，第四批推行个辰光兼作“锺”个简化字。方案本来拿“娄喽”简化成“娄”，“彻澈”简化成“彻”，“仓舱”简化成“仓”，来勒第四批推行个辰光又拆开来哉。）