江南

江南，長江下游南岸，東南丘陵北部個江浙長三角地區。現在狹義上指代宋朝辰光個江南東路即江東搭兩浙路（乃朝長江流域下游南岸個浙江全境、蘇南，皖南搭上海地區）。廣義上還包括江蘇安徽兩省個長江北岸、江西、福建、廣東搭湖北、湖南、廣西部分地區。古代又號吳越、江東、江左。

建制變遷

• 唐太宗貞觀元年（627年）設立江南道，江南道個範圍完全處拉長江以南，後來拉唐玄宗開元二十一年（733年）又分為江南東道、江南西道搭黔中道，成為定義現代江南含義個開端，往後江南成為江東地區個專稱。歷史上以「江南」命名個行政區個演化：
• 唐代以後，江南一詞所指區域囊括長江以南以及長江沿岸廣大地區，包括荊州（鄂東南、湖南）、揚州（江西、皖南、福建、蘇南、上海、浙江，非今日揚州市）。
• 唐代辰光設立江南西道（鄂東南、湖南、江西）、江南東道（蘇南、皖南、上海、浙江、福建）。
• 宋代辰光設立江南西路（江西大部、鄂東南）、江南東路（贛東北、皖南、蘇南部分地區一帶）。
• 明朝設立南直隸，清初改稱江南省，分為江南左布政使司搭江南右布政使司。1667年分為江蘇省（含上海）搭安徽省。但江南省弗僅包括部分江南地區，還包括了大片蘇皖個江北地區。
• 清代設兩江總督署，轄江蘇省（含上海）、安徽省、江西省，兩江即含江南省、江西省，東部個部分為江南省（今江蘇，上海，安徽）。