江户城

江户城（日文：江戸城，假名：えどじょう）是来在东海道武藏国丰岛郡江户（玱期个东京都千代田区千代田）个一座和城，搭乃朝个东京皇居重合。渠是日本中古到近古辰光存在个一个大型军事堡垒，江户时代德川幕府历代将军个居拉个地方。

在江户时代，一般性把渠叫江城（こうじょう），也有得侬讴渠千代田城（ちよだじょう）。

江户城在麹町台地个东许，是扇谷上杉氏个家臣太田道灌造个一座平山城。貤经过近世德川氏个改修，城郭周围大概有4里，是日本戈矛面积顶大个城郭。

迭个城堡老早有日本顶顶大个天守阁。弗过后势来畀闪电劈著火，就朆重修哉。江户城有邪气大个建筑群，有名个日本后宫大奥就是立在个地个。

德川家康进入著后首，江户城变成功德川家个居城；江户幕府开幕后首貤成著幕府个政厅。在明治维新后头个迁都东京里成为著宫城（きゅうじょう）。后来，吹上庭园成为著御所，旧江户城西之丸成为著宫殿用地。东面个旧江户城中心本丸、二之丸搭三之丸个旧址乃朝作为皇居东御苑开放畀人家参观。东南许个皇居外苑咾北半爿个北之丸公园平常日脚也开放，外头个土地也是一般性好利用个土地。

乃朝，江户城畀日本国指定为特别史迹。