江户幕府

江戶幕府（日文：江戸幕府／えどばくふ）也叫作德川幕府，是日本歷史浪第三個，也是挨末一個幕府政權。因為創立人德川家康個大本營搭將軍個居所立在東海道武藏國豐島郡江戶鄉前島村江戶城（乃朝個東京），所以叫做迭個名稱。迭個幕府個統治辰光，從1603年德川家康獲得日本天皇授予個征夷大將軍開始，一直持續到1868年末代將軍德川慶喜立在畿內山城國（京都市）二條城個大政奉還。

江戶幕府建立者：德川家康

等級

江戶幕府是一個典型個封建社會體系，通過頂早三代將軍個發展，拿本身下克上流行個日本戰國時代個一些特性改造，形成將軍，親藩，譜代，外祥作為排列個上層武士集團權力分配。個當中，將軍作為統治者，擁全日本四分之一領土個控制權力，親藩是德川家康個旁系子孫後代，統治紀州、尾張、越前、水戶等要地。譜代是德川家康親信個封地，協助自家人把守要道。也有一些立在關原大戰之前投靠老烏龜個人，也獲得得個身份，比方講土佐藩第一代藩主山內一豐。外祥是老早弗聽從德川氏個貴族，一般畀嚴密監視，這些外祥大名個嫡子必須蹲在江戶當人質，外祥大名每兩年就要去江戶擔當公職為將軍做事體，即便朆有啥事體好做，也要去向將軍匯報工作。

各大大名下頭也有低級貴族個等級制度，一般這些武士根據自家搭家主個血緣關係、歷史繼承，劃分成複雜個結構，各個階層之間個流動性相比高等貴族還是強一眼，弗過也有弗少地方個士族內部關係邪氣緊張，比方講坂本龍馬出身個土佐藩。講到底，能夠得到大名欣賞並拿到足夠俸祿個武士是少部分人，大部分武士生活朆比一般城市老百姓強多少。伊拉通過武士道、上私塾，獲得大名系統個小職務，獲得自家個地位並搭平民區別開來。

天皇地位

江戶辰光，天皇是嘸實際權力個，此外，伊拉立在名義浪個權威也畀剝奪蠻多，江戶時代開始辰光，老烏龜就發布御中諸法度，對京都個朝廷進行干涉，並剝奪伊拉蠻多自家殘留個權力（比方講後水尾天皇個紫衣售）。到三代將軍德川家光辰光，幕府更公開強迫天皇娶德川家族個女性，並安插親信到京都，監控天皇。這能，導致天皇搭日本公卿這些舊貴族勢力徹底邊緣化。天皇個俸祿還要靠將軍發放，石高只有5萬到頂，相當於一個小大名。

弗過，到江戶時代中期之後，天皇個地位立在武士當中得到倒轉。迭段辰光，東亞大陸流行個程朱理學傳播到日本（號稱朱子學），提倡華夷之辨搭尊王攘夷，這些思路，成為江戶時代武士學習當中個流行內容。朱舜水個學生水戶黃門編撰個《大日本史》就是拿天皇作為正統，歷朝歷代個武士將軍作為反亂人物進行評論個。個能，到19世紀黑船來襲之前，天皇雖然手浪還是嘸實際權力，弗過立在口碑層面，已經形成對江戶幕府個隱形壓力，箇也導致江戶幕府立在幕末對天皇個妥協搭退讓。

關聯

• 天領