流寇

'流寇』是一個內亞地區常見個物事，立在原有社會結構崩潰之後，底層群體嘸辦法抵擋天災人禍，就會四處流竄，用搶劫、搜刮個方式滿足自家個生存需要。立在中國古代歷史當中。唐朝挨末辰光個黃巢流竄集團搭明帝國崇禎帝辰光個李自成、張獻忠流竄集團，一般畀當做流寇個典型。另外，元帝國末年個紅巾軍，從淮河流域一路流竄到高麗王朝控制區，滿清帝國後期個太平天國，從發源地廣西一路流竄到吳越地區。也屬於流寇範圍，伊拉對經過地區個破壞，對比李自成等人，恐怕更加殘酷，激烈。立在西歐，日本等封建保留辰光比較長個地區，流寇嘸生存個土壤，因為伊拉嘸辦法立在到處是封建領主圍剿個環境中自由流竄。中亞地區個馬匪、穆斯林強盜集團，也屬於流寇個範圍。一些典型個流寇，比方講切爾克斯人，就從高加索一路跑到中東，四處靠搶劫維生。頓河哥薩克立在開始辰光，也畀當成立在烏克蘭平原浪四處流竄個流寇。