海上花（电影）

《海上花》（英文：Flowers of Shanghai），是根據《海上花列傳》該本吳語小說改編得來個吳語電影。 《海上花列傳》本身是拿蘇州言話來寫個，但拍成功電影個辰光用上海言話。

吳越主題頁面

主演

梁朝偉、劉嘉玲、李嘉欣、羽田美智子、伊能靜、高捷、潘迪華

拍片場化

台灣

導演

侯孝賢 Hsiao-hsien Hou

年份

1998年5月1號

劇情簡介

中國個宗法社會，愛情從來是弗來事張揚個。男人家到妓院裏向去尋渠篤個愛情，只有勒妓院該個邊緣角落頭裏還有一眼眼機會。勒拉該搭，男人順從個是女人個規矩。19世紀末，上海英租界個長三書寓，日日宴歌。歸個辰光個高等妓院叫長三書寓。

該個夜頭又是賓客盈門，觥籌交錯。東道主叫周雙珠，是一個克氣、大氣個青樓女子，同時也是公陽里老鴇個嫡親囡兒。齊巧勒眾賓客勒浪乎哇狼形個辰光，勒拉搭洋人打交道個衙門裏向上班個文官王蓮生卻首先離席告退。渠是去赴另一妓女張惠貞之約。該樁事體弄得妓女沈小紅交關火冒。小紅勒薈芳里掛頭牌，但渠性格剛烈，為人直爽，少有清客敢去翻渠個牌子。蓮生是獨獨搭渠日長來去個人。次日清清空朝小紅尋上大門，勒眾目睽睽下底對惠貞大打出手。實際浪蓮生所為事出有因。渠覺着小紅同時還搭一個年輕戲子柳兒相好，外加登小紅個態度浪覺着仔一眼冷淡。煩悶之下蓮生去尋另一妓女，實梗末帶翻仔小紅該個醋缽頭。為仔解決問題，蓮生勒朋友洪善卿搭仔湯嘯庵個陪伴下頭來尋小紅，撥勒小紅伶牙利齒伊個女傭人好好較罵着一頓山門。朋友尷尬到弗得了，甩下仔蓮生自顧自跑落，蓮生只好一獨自去見小紅。弗管哪亨，畢竟已經有仔四五年個感情，長話短話仔半日天，兩家頭又和好如初。

因為渠個特殊身份，雙珠常莊勒公陽里充當家長個角色，妓女道里個爭風吃醋要渠去擺平，惹着個人命官司也要渠出面去排解。雙珠看淡風塵搭仔練達個處世態度受到洪善卿個賞識。

黃翠鳳是尚仁里個年輕妓女，是個精明、會搭自家打算個女人，渠渴望早一日脫身青樓，獲得自由。她同時自如應付幾個男人家，當中關係頂密切個是有鈔票又有空個名流羅子富。翠鳳一徑搭渠勒一道是因為渠覺着渠會幫渠贖身。

小紅個人看上去用鈔票並弗哪亨呀呀歪歪，債倒弗少。蓮生雖然弄弗泠清，尚況還是幫渠去結清爽。一日天酒宴過後，吃醉落個蓮生勒勒朆事先告知個情況下底，跌跌蹱蹱衝進小紅個臥房，齊巧撥渠碰着小紅搭戲子柳兒勒拉一道。盛怒之下，蓮生拿渠送撥拉小紅個物事統統摜到八門。蓮生斷然決定討惠貞做小老婆，拜託善卿幫渠籌備。善卿力阻，卻朆成功。

羅於富總算為翠鳳贖身。走個辰光，翠風拿所有衣裳、首飾亨白浪當一儕留撥拉別個姐妹。

春去秋來，蓮生得到提升，就要離開上海，朋友道里勒書寓開宴會為渠送行。小紅老早個女傭人現在幫雙珠做事體。登勒渠個嘴裏向，蓮生曉得小紅淒涼個近況。但渠弗想再陷勒篤，渠要走哉，走出該個叫人眼花里花個「夢」…… 裏頭劉嘉玲個上海閒話剛個滿好個。有個老擰。剛蘇州話個，是個老早香港唱歌個，梁朝偉個上海閒話跌七跌八。一色度誤像個。（朆完）。。。