淀浦河

澱浦河，中國上海市黃浦江主要支流，乃朝澱浦河青浦鎮向東到打鐵橋一段本來是蒲匯塘個一段，1971年改名叫澱浦河，1977年人工疏浚出來^[1]，西起澱山湖，向東直流到徐匯區港口進黃浦江。箇條河全長46.4公里，經過青浦區、松江區、閔行區、徐匯區，本來是澱山湖區望黃浦江排水同航運個一條通道，乃朝規劃成上海一條主要景觀河流。

澱浦河莘莊商務區段

歷史

歷史丄曾疏浚過多𡍲蒲匯塘。宋淳熙二年（1175年）到清宣統二年（1910年）先後疏浚過14趟。1934年，民國政府花仔1.7萬多元來勒上海市同松江、青浦兩縣一道疏同蒲匯塘七寶段河道。後些來，河道貤來勒1958年、1971年、1976年疏浚治理過三趟。^[1]

澱浦河工程完成以後，青浦、松江約有50多萬畝蕩頭弗再介容易畀水淹沒脫，也為開闢一條新個內河航道，從澱山湖到黃浦江，航程縮短仔30公里。因為潮差加大，流速加快，血吸蟲個中間宿主釘螺嘸辦法生存下去就會得畀水沖走，故咾為1985年上海徹底消滅血吸蟲病創造有利條件。^[1]