淞沪会战

淞沪会战（又称八一三战役或上海战役；日本称为第二次上海事变）爆发于1937年8月13号，是中日双方勒中国抗日战争中第一场大型会战。箇场会战粉碎日本人想“3隻号头消灭中国”个想法。

过程

1937年8月13号，超过10,000名日本海军陆战队打上海虹口，帮中国保安队正面会战。日本本来估计个是3日天轻松拿上海打下来，3隻号头征服中国，结果碰着中国军队个激烈抵抗。8月22号，日本正式派出陆军第3、8、11师团，勒垃海军炮轰个配合底下发起两栖作战，勒垃川沙、宝山登陆。8月23号，日军陆军第11师团连同日本海军勒垃同中国海防司令沈鸿烈部战舰激战，结果日军轻松获得制海权，中国海防失守。箇末，日军勒垃30多艘敌舰个炮火掩护底下，向川沙口登陆，打宝山、月浦、罗店。美国国务卿赫尔呼吁中日双方停战，必过国民政府军事委员会委员长蒋中正决定全面抗战，中日双方侪拒绝停战呼吁，发生淞沪会战张华浜战斗。

1937年8月23号到27号，勒垃上海张华浜、上海南火车站一带，展开巷战，中国国军突袭小日本，随后日军依靠增援搭仔海空军优势迅速赢下来，必过为咾肃清中国坚守个部队，外加展现军力，日军还是勒垃8月28号对上海展开战略轰炸，轰炸个是张华浜港区、上海南火车站箇种非租界地区。