光绪帝

光緒帝（1871年8月14號－1908年11月14號），本名載湉，立在內亞個蒙古畀人尊稱巴達古爾特托爾汗（「光明統緒」個可汗，即義譯「光緒」）、立在西藏畀人尊為文殊皇帝，立在1875年2月25號登基，一直名義統治到1908年11月14號。實際浪，伊統治個大部分辰光儕是慈禧太后實際掌權個。個當中發生交關事體，包括日清戰爭、義和團搭八國聯軍戰爭之類，1898年光緒因為參加戊戌變法失敗，基本權利儕畀慈禧剝奪，之後慈禧拿伊關起來，直到死脫。有講法，慈禧是派人拿伊毒死個。