清教徒

清教徒(英文：Puritan）是16世紀英格蘭立在宗教改革之後出現個激進分子。伊拉讀誓反裂教之後立在英國形成個聖公會弗滿意，認為保留仔忒多天主教個規矩，需要進行改革。具體有三點：第一是拿天主教個儀式從聖公會當中清除脫；第二是通過有教育個牧師進行布道，自家解釋經文；第三是通過宗教大會確定規矩，反對天主教樣範個主教等級制度。

Gallery of famous 17th-century Puritan theologians: Thomas Gouge, William Bridge, Thomas Manton, John Flavel, Richard Sibbes, Stephen Charnock, William Bates, John Owen, John Howe and Richard Baxter

歷史

清教徒個活動從16世紀60年代就開始，伊拉搭聖公會關於祭服個爭論成為之後交鋒個前奏。1570年，劍橋大學神學教授托馬斯卡特賴特自家解釋經文，鼓吹只有長老制才是《聖經》當中認可個管理形式。迭能，引發對天主教主教團制度個批判，引發新一輪辯論。同時也讓一些清教徒自家形成團體。到伊利沙伯一世統治個16世紀壓末階段，清教徒嘸辦法通過宗教手段獲得自家個成功，告咾就走議會個道路，立在16世紀挨末階段立在議會當中獲得老多趟支持。伊利沙伯一世通過最高法院駁斥迭排主張並打擊清教徒。導致交關清教徒跑到個辰光對西班牙帝國開戰個誓反教中心地區荷蘭。

斯圖亞特王朝確立統治之後，老早畀打壓個清教徒重新抬頭，並立在議會當中獲得更大個權勢。因為斯圖亞特王朝儕是羅馬天主教信徒，告咾麼，雙方個衝突也更加激烈，查理一世登基之後，想效仿歐洲個君主，搞絕對主義並拿英國返回羅馬教廷個控制。迭能，就搭清教徒控制個議會發生劇烈矛盾，同時導致英國內戰個暴法。內戰當中，清教徒拿國王殺脫，並建立克倫威爾領導個獨裁政權。弗過伊拉當真推行自家鼓吹個策略辰光，又受到老百姓搭鄉紳個反感。1660年代，斯圖亞特王朝復辟，清教運動開始慢慢衰落下去。

對美國個影響

17世紀開始辰光，清教徒開始移民到英國個北美殖民地。迭批人主要前往新英格蘭地區，並立勒當地按照自家個理念建立社區搭自治。伊拉個想法搭生活態度也構成後勢來美國立國個基礎之一，即所謂個「清教徒精神」。