誓反裂教

誓反裂教，也就是一般文人稱呼個宗教改革(西文：Reforma protestante），是16世紀開始辰光立在中歐發生個一系列對天主教教會個動亂，反動事件。迭個事情個動機比較複雜，一般認為是君主為自家個利益，搭資產階級之類一道，利用宗教名頭對天主教代表個傳統勢力進行瓦解。因為新教徒一般儕反對羅馬個權威，自家號稱要自家解釋聖經，所以，也好拿新教徒叫做抗羅宗。

Europe religions 1560

影響

誓反裂教搭個辰光哈布斯堡個勢力崛起；法國西班牙立在亞平寧半島個鏖戰，以及地理大發現結合立在一道，構成文藝復興之後歐洲國際政治搭社會文化變遷個三大話題（西班牙搭奧斯曼帝國個地中海戰爭也立在同期進行）。本身鐵板一塊個天主教，立在各地馬丁路德，加爾文之流個煽動下，發現自家老早個策略弗適合新局面。個能，也有後勢來反宗教改革個拉特蘭會議出現以及耶穌會個建立。西北歐交關君主通過支持裂教，讓自家脫離天主教影響，擴充自家國王個權威，個當中個代表就是英格蘭國王亨利八世。裂教帶來個戰爭搭政治牽扯成為之後一百年當中一個邪氣重要個問題，也基本成為所有歐洲戰爭個藉口搭由頭（參見八十年戰爭）。迭個局面一直持續到1648年三十年戰爭完結之後，才讓位把更加世俗，用君主專製做行為主導個路易十四法式專制潮流。

別樣

• 反誓反裂敎