滨江大道

滨江大道勒垃上海市黄浦江边，南起东昌路摆渡口，北到泰同栈摆渡口^[1]，全长2500米。因为伊好完整看到对岸个外滩历史建筑群搭仔浦西景色，故咾成为上海顶有名个旅游景点之一。滨江大道原先是立新船厂、上海烟草机械厂、中华造纸厂、上棉十厂、联合毛纺厂、制衣厂、粮库等15家企业个码头搭泊位。1996年开始改造，1997年7月1号造好^[2]。滨江大道是集防汛墙体、江边大道、亲水平台、音乐喷泉、游艇码头等为一体个休闲旅游点^[1]。