汉藏语系

汉藏语系（英语：Sino-Tibetan languages）是语言学家按照谱系分类法划分个一组语群，但是划分个形式邪多。昰个语系至少包含汉语搭藏缅语族，共总约400种语言，主要分布在中国、缅甸、印度、尼泊尔、不丹、孟加拉咾啥亚洲地区。按使用人数计算，是仅次于印欧语系个第二大语系。

汉藏语系
地理分布：	东亚、东南亚
谱系学分类：	世界丄主要语系之一
分支：	汉语族 藏缅语族 壮侗语族（有争议） 苗瑶语族（有争议）
ISO 639-2:	sit
ISO 639-5:	sit
Linguist List:	ST

汉藏语系分布图

范围搭争议

汉藏语系语言关系图

关于汉藏语系个分类搭归属问题，学界争论弗休。在中国，汉藏语系一般分为四个语族，即汉语族、壮侗语族（或称侗台语族、侗泰语族、台语族）、苗瑶语族搭藏缅语族。1970年代以后，西方学者一般认为苗瑶语族搭壮侗语族弗属于汉藏语系。

法国学者沙加尔还提出爻汉藏语系搭南岛语系有发生学关系，昰个理论得到中国著名语言学家邢公畹个赞同。近来叶尼塞语系也畀认为搭汉藏语系有关。还有学者认为汉藏语系搭阿勒泰语系有发生学关系。

有学者，像克里斯多夫·贝克威思（Christopher Beckwith）搭罗伊·安德鲁·米勒（Roy Andrew Miller）弗认为藏缅语搭汉语有发生学关系。

语言特色

汉藏语系中各语言个一些类型学个特点：

• 交关语言是孤立语；
• 有声调；
• 单音节词根占多数；
• 有量词；
• 以虚词搭语序作为表达语法意义个主要手段。

但是，大部分语言学家认为，原始汉藏语个语音搭语法搭嘉绒语相似：呒没明确个声调系统，有复辅音，有复杂个动词形态。法国学者奥德里库尔早在1954年发现汉语个声调是后起个^[1] ，战国辰光个汉语呒没声调，到仔南北朝韵尾-s搭喉塞音分别演变成去声搭上声。上古汉语也有复杂个形态，譬如：使动个s-首码：登（端母登韵）上古汉语*təəŋ，增（精母登韵）*s-təəŋ。嘉绒语搭藏语里存在着同样个s-使动首码。

按照历史语言学个定论，声调个有无、语序（动词、主语搭宾语个相对位置）、音节结构咾啥类型特征无法支援或者否认脱语言同源关系个假设，因为昰些特征容易扩散到弗同个语系。惟有共同个形态成分（首码、后缀、中缀、母音交替咾啥）搭基本词汇才能证明昰种关系。

同源关系

汉藏语系各语言之间存在交关同源词，由于原始汉藏语个分化经历要老长时间，对于原始汉藏语个拟构，学术丄也存在弗同个观点。另外汉字在表音方面个弗足，使得原始汉语个拟构存在多种版本，下表畀出了一个汉藏语系里向各语言之间个同源词。

基数词[2]	原始汉藏语	上古汉语	原始藏语	原始克伦语	原始缅甸语	原始克钦（景颇）语	原始喜马拉雅语	原始博多-加罗语	原始库基语	原始那加语
'1'	*k-tyig	*yit		*teg		*t'i	*se		*k'at	*k'at
'2'	*k-nyis	*nyis	*g-nis	*k'-ni		*-n'i	*nis	*g-ni	*-ni	*k'ni
'3'	*k-t'um	*sum	*sum	*g-sum	*som	*sum	*sum	*g-tam	*-t'um	*k-t'um
'4'	*p-li	*s-yiy	*b-liy	*wir		*p-li	*(p)li	*bri	*-li	*p-li
'5'	*p-ŋa *l-ŋa	*ŋaʔ	*lŋya	*ŋaʔ	*ŋa	*p-ŋa	*p-ŋa	*b-ŋa	*p-ŋa *r-ŋa	*p'-ŋa
'6'	*t-r'uk *k-r'uk	*C-r'uk	*d-ruk	*xru	*khyok	*k-ru	*t-ruk	*(k)rōk	*k-rūk *p-rūk	*t-rūk
'7'	*s-Nis	*tshyit	*s-nis	*-nøy	*nit	*s-nit	*nis-	*s-ni	*s-ni	*š-ni
'8'	*t-r'iat	*p-ret	*b-r-gyat	*xroq	*slit	*-šiat	*žyad	*čat	*t-riat	*-šot
'9'	*t-kua	*kwyuʔ	*d-kuw	*gu-	*ko	*t-ku	*gu	*t-ku	*t-ku	*t-ko
'10'	*-tsi(?)	*gyip	*tsi(y)	*ts'i	*tše	*t-tsel	*tšī	*t-tši	*tsom(?)

汉藏语分类历史

德国学者克拉普罗特（Julius Klaproth）早在1823年就提出汉语、藏语、缅甸语个基础词汇之间有同源关系，而泰语搭越南语嚜弗同。但后来佢个著作畀淡忘脱，一直到廿世纪，学者淘才重新重视佢个研究。

19世纪流行个分类，一般都是出于人种个考量，譬如南森•布朗（Nathan Brown）在1837年提出“印度支那语”个概念，用来表示除脱阿勒泰语搭达罗毗荼语以外个所有东方语言，包括日语搭南岛语。

“汉藏语”一词是普祖鲁斯基（Jean Przyluski）在1924年提出个，佢个分类如下：

• 藏缅语
• 汉台语（昰场个台语弗仅包括乃朝所话个侗台语，还包括苗瑶语）

在此基础丄，有侬担汉语、侗台语搭苗瑶语分开来，昰种分类在中国交关流行：

• 汉语族
• 藏缅语族
• 壮侗语族
• 苗瑶语族

20世纪后期，多数西方学者从汉藏语中排除脱侗台语搭苗瑶语，但是保留要汉语搭藏缅语个二分法，譬如马蒂索夫（Matisoff）、布兰得利（Bradley 1997）、杜冠名（Thurgood 2003）个分类：

• 汉语族
• 藏缅语族

目前有学者弗认同昰种二分法。更有人认为汉语在汉藏谱系树个地位可能比较接近藏语，反而汉语搭缅甸语或者羌语个关系呒没介密切。譬如Van Driem（2001）就担汉语搭藏语并称汉藏语族，作为藏缅语系个一个分支。