牙买加

牙買加（英文名：Jamaica）是美洲加勒比海一個國家。首都來勒京斯敦。面積10991平方公里，主要個國土就是牙買加島，迭個島嶼也是除脫古巴島同西班牙島之外，加勒比海地區個第三大島，具體位置是在拉古巴島南面方向145公里，西班牙島西面191公里。除脫個兩個大島之外，牙買加還搭英國個海外領地開曼群島距離比較近。

牙買加地圖

歷史

1494年，西班牙天主教君主贊助個冒險活動人物哥倫布來到迭個地方，伊拉攜帶個歐亞大陸人類傳染病，讓此地大部分土著人口消失。之後，西班牙人從非洲運來交關黑奴，來到此地從事種植園活動，一直延續到1655年，之後，英國攻略此地，並且正式拿此地命名為「牙買加」。17世紀末到18世紀，牙買加繼續保持伊種植園個特點，到19世紀，開始慢慢從東亞搭南亞招攬新移民，從事大規模種植園活動。1962年，牙買加從英國獨立，弗過，還是保留自家在拉大英國協當中個位置。

人口

牙買加人口將近三百萬，是北美除脫美國搭加拿大之外，第三大英語國家。也是加勒比海地區除脫古巴、海地、多明尼加之外，第四大人口國家。伊個人口當中，大部分是當年從非洲運過來個黑人個後代，少部分是混血，或者19世紀移民此地個南亞人、東亞人後代。

經濟

牙買加是中等收入國家，人均gdp超過1萬5千美元，弗過，邪氣依賴旅遊業，每年接待遊客超過400萬人。