特别行政区

特別行政區是中華人民共和國為著統治香港、澳門、台灣，弄出來個一種行政區劃形式。特別行政區搭省、直轄市、自治區平級，但是有高度自治權，可以處理自家個經濟、金融、教育、醫療、社會管理等各方面個問題，可以保留資本主義制度。箇種設想是鄧小平提出來個，也謳一國兩制。對於設想中個台灣特別行政區，還可以有軍事權。但是特別行政區個主權屬於中國，權力來源於中央政府。因此，特別行政區弗是聯邦主體，一國兩制弗是聯邦制。目前中國有香港、澳門兩個特別行政區。