王正廷

王正廷（1882年9月7号—1961年5月21号），原名正庭，字儒堂，号子白，浙江奉化人。20世纪东亚著名个外交家，湖南省宪法起草人之一^[1]。

1930年代左右个王正廷

伊生仔在拉宁波奉化场化一个耶稣教牧师屋里，从小受英文教化，1905年到仔日本留学，顺便加入中国同盟会，乃朝后搭上国民党个船头搭国民党邪气热络。1907年，王正廷收受教会帮衬，到得美国耶鲁大学，学习国际律法。1911年辛亥革命爆发后，是伊回国，当了革命派别个外务部副部长，还且作为伍廷芳副手，一道推进南北军阀讲和，并同得宋教仁一道，参加仔交关多个民国暴时时节里个政治活动。1913年宋教仁畀人做脱哉后，是伊加入二次革命，吃输哉，逃遥到南壗头哉。

1917年，伊跑到广州，参加孙中山个护法军政府，还作为孙中山个代表，加入到1919年巴黎和会个中国代表团当中（同侪有得北洋政府个陆征祥、顾维钧）。弗过，后势来因为内部闹矛盾，只好又到北京谋生活，1922年，成为汪大燮内阁个外交总长，同年年底到第二年一月，短暂代理北洋政府国务总理。1924年，伊参加对苏联恢复邦交个谈判。

弗过，为仔北洋政府常桩仔自家相争，钞票也发弗出来咯，王正廷对伊拉邪气弗足心，搁落再仔搭国民党建立关系，1928年，北伐一路赢足输赢，王正廷候着机会投靠蒋介石，成为南京国民政府个一个主要成员。又因为伊是奉化人，同蒋介石是老乡咾，得着信任，获得国民政府个外交部长职务。弗过，918事变之后，因为蒋介石个方针，伊呒办法同日本人好好较解决问题，只好成为国内激动老百姓同学生子个攻击目标，甚至畀人殴打。只好辞职。

后势来，王正廷当得过驻美大使，但1938年之后，伊差弗多从政界隐退哉，之后伊主要做过眼商业搭仔慈善生活，1949年之后，搬场到香港去，1961年老天年，存世日脚80岁。