电荷

在拉電磁學里，電荷（教會羅馬字：dien-wú。英文：electric charge）是物質個一種物理性質。帶有電荷個物質是稱作「帶電物質」。兩隻帶電物質之間會互相對對方施加作用力，也會感受著對方施加個作用力，迭個裡向涉及個作用力遵守庫侖定律。

電荷分成功正電荷搭負^veu電荷兩種。帶仔正電荷個物質講伊「帶正電」；帶仔負電荷個物質講伊「帶負電」。假使兩隻物體儕帶仔正電咾儕帶仔負電，個麼講個兩隻物體「同電性」，否則講迭個兩隻物體是「異電性」。兩隻同電性物體會相互感受著對方個排斥力；兩隻異電性物體會相互感受著對方個吸引力。迭個就是常莊講個「同性相斥，異性相吸」迭個道理。

電荷也是交關種次原子層次浪個微觀粒子擁有個一種基本性質。帶有電荷個粒子就叫做「帶電粒子」。電荷決定仔帶電粒子在拉電磁方面個物理行為。靜止個帶電粒子會產生電場，移動中個帶電粒子會產生電磁場，帶電粒子也會畀拉電場或電磁場影響。一隻帶電粒子搭電磁場之間個相互作用稱為電磁力或電磁相互作用。電磁相互作用是物理學裡向四種基本相互作用中個一種。