真如镇街道

真如鎮街道（上海言話：tsen zy tsen ka dau^[1]）是上海普陀區下頭個一隻街道，面積有5.95平方公里，戶籍人口117464個人（2023年3月）。^[2]

真如寺

歷史發展

元延祐七年（1320年）真如寺移到現在個位置（今蘭溪路399號），隨後圍繞箇個寺形成集市，到明朝正德年間，形成真如市，萬曆辰光，形成真如鎮，迭個辰光屬嘉定管轄。到清雍正二年（1724年），嘉定縣東部新設寶山縣，真如鎮劃畀寶山。1928年，設立真如區，屬上海特別市。中華人民共和國成立後，來勒1950年2月設立真如鎮政府，拿此地劃畀普陀區。到1990年代開始，箇𡍲開始大規模城市化，2003年之後，成為普陀區黨政機關所在地。

特色

此里個特色主要是佛教文化搭小吃。真如寺是上海唯一個元朝建築遺留，也是當今個全國重點文物保護單位。現在佛寺重新擴建，一派古色古香，相當有遊覽個價值。真如羊肉是聞名上海灘個小吃，箇𡍲個羊肉麵，味道嗲，湯濃醬足，值得品嘗。

行政區劃

真如鎮街道下頭有41隻居委會：^[3][4]

南大街居委會、北大街居委會、水塘街居委會、真如西村居委會、真北新村第一居委會、真北新村第三居委會、真西新村第一居委會、真西新村第二居委會、車站新村居委會、真西新村第五居委會、海棠苑居委會、曹楊八村第一居委會、曹楊八村第二居委會、真光新村第二居委會、真光新村第四居委會、真光新村第五居委會、真光新村第六居委會、真光新村第七居委會、真光新村第八居委會、真光新村第九居委會、真光新村第十居委會、清澗新村第二居委會、清澗新村第六居委會、清澗新村第七居委會、清澗新村第八居委會、清澗新村第三居委會、曹楊花苑居委會、曹楊新苑居委會、金鼎花苑居委會、真光新村第一居委會、真北新村第五居委會、清澗新村第四居委會、真光新村第三居委會、中鼎豪園居委會、星河世紀城第一居委會、星河世紀城第二居委會、楊家橋第一居委會、楊家橋第二居委會、星金恆居委會、芝川居委會、高尚領寓居委會