神父

神父（司铎）是罗马天主教搭东正教个职位。千百年来只允许男修士可以担任昰个职位。天主教个拉丁礼教会里向所有个修道人侪弗可以结婚；而东正教个神父可以垃晋铎之前结婚，但是主教只是可以垃独身者入面拣。

要注意个是修女是指女性修道人个身份，并弗等于神父，亦弗是罗马天主教个宗教职位之一。

工作

神父除脱要主持弥撒搭婚礼外，帮垂危者祈祷、告解甚至驱魔咾啥侪是神父个职务。

成为神父个方法

要成为神父首先要接受圣召分辨，然后再去神学院读神学。读完之后还要垃堂区实习一年才可以祝圣成为神父。

晋升神父个仪式一般称为晋铎，一般来讲，侪是由主教主持晋铎仪式。晋铎（圣秩）属于七大圣事。

种类

神父有两种：服务教区个搭属于修会个。