天主教

天主教是基督教當中頂重要個一大派別，也是通常大家所講個基督教三大派別當中個一個。^[1]，天主教會個名稱是公教會或者是大公教會。除此之外，通常拿西方或者東方個宗派。通常又拿渠拉叫成功天主教會或者羅馬天主教會^[2]。此外，一些搭羅馬教宗嘸有管理關係個教會，在天主教會個名稱丄向使用「公教」作為稱呼，比如古公教會、寬宏公教會，天主教與基督教的一個不同是天主教的十字架上有耶穌。

• 天主教主題

稱呼來歷

天主敎個名字，來自拉丁語當中個「Catholicus」，昰個詞彙個意識是「普遍個」，當翻譯成漢字個辰光，就拿「天下爲公」個「公」作爲替換詞彙；「公敎會」昰個詞彙，在《宗徒信經》當中個「聖而公敎會」（Sanctam Ecclesiam catholicam）當中第一趟出現，到公元381年召開個尼西亞第一趟大公會議確定個尼西亞信經當中得到進一步個確立搭完善：「我信唯一、至聖、至公、從宗徒傳下來的敎會」（Et unam, sanctam, cathólicam et apostólicam Ecclésiam）。漢語語境當中個「天主敎」，是17世紀，通過利瑪竇等耶穌會傳敎士根據明帝國個傳統，通過呼應帝國老百姓「敬天」個崇拜意識進行命名個，昰個詞彙一般是稱呼天主敎會個，即：通過羅馬敎宗領導個敎會。

基本特徵

根據聖經新約瑪竇福音，稱爲厄瑪奴爾個耶穌是天主之子

昰張圖當中是永援聖母，天主敎徒稱渠為「聖母」個童貞女瑪利亞是天主子耶穌基督因聖神降孕道成肉身個娘。

基督敎在開始個辰光，是猶太敎中分離出來個一個新型宗敎團體，受到打壓。到公元1世紀中期，猶太人個中心耶路撒冷個撥羅馬帝國個軍隊佔領，第二聖殿垮脫。猶太人開始到羅馬帝國各個行省移民。基督敎會個中心因此發生變動，慢慢較朝帝國個首都羅馬遷徙，耶穌個大弟子聖伯多祿搭重要個聖保羅就儕到羅馬進行傳敎。從此，羅馬在基督敎當中就佔有重要地位。從公元一世紀開始，一直到五世紀初，羅馬皇帝對基督敎進行過交關迫害。弗過，因爲餓形勢變動，到4世紀辰光，整個帝國精英階層儕皈依敎會，4世紀末，狄奧多西一世宣佈羅馬公敎成爲羅馬帝國個國敎。到公元5、6世紀，日爾曼族從中歐大規模進入帝國西部，最終讓西羅馬帝國分崩離析，個辰光羅馬帝國個首都已經遷移到君士坦丁堡，東方搭西方個敎會關係慢慢疏遠。在中世紀開始個辰光，西歐本身個經濟社會制度開始瓦解。衹有敎會保存下來交關書籍搭組織能力。新來個日爾曼移民搭敎會建立合作關係。由於封建領主大多數弗大會管理搭記錄，蓋咾敎會分擔了渠拉個行政能力，加上新領主需要合法性證明。蓋咾賦予敎會極大特權。到了10世紀辰光，敎宗開始封奧托一世爲神聖羅馬帝國皇帝，基本弗聽東方拜占庭帝國個皇帝個指示哉。

天主敎隨後個發展搭歐洲歷史密切相關，在弗同個歷史階段內，天主敎扮演個角色也有區別。在中世紀開始個辰光，羅馬天主敎主要個成就是保護老早個古典文明遺留，又成功讓哥特人皈依天主敎，從而避免歐洲文明個進一步破壞。在10世紀，羅馬天主敎成功讓維京人從海盜變成文明社會個一員。到11世紀，天主敎針對中東地區回敎迫害基督徒個情況，開展十字軍東征運動，收復老早就屬於基督徒世界個地中海沿岸地區，也爲歐洲帶來東方個文化交流。到13世紀，天主敎資助下個大學敎育開始繁榮，近代文明個萌芽開始孕育。弗過到15世紀，由於資產階級個興起搭貴族對敎權個弗滿，天主敎開始受到交關挑戰。爲修造大型藝術品搭建築物發行個贖罪券，成爲神聖羅馬帝國宗敎改革個導火索。到16世紀中期，英格蘭、北歐搭德意志個北部地方儕脫離天主敎個管轄。天主敎爲應對危機，採取傳敎措施。對美洲個殖民地搭東方開始傳敎。著名個傳敎團體耶穌會也在昰個辰光成立，對東西方文化交流做出交關貢獻。。

根據信理神學（dogmatic theology）個推演搭論證，天主敎會是主耶穌基督親自建立、唯一、至聖、至公、從宗徒傳下來個敎會。天主敎個首任敎宗是宗徒個老大伯多祿，根據聖經個記載，耶穌基督把天堂個鑰匙交撥伯多祿：

約納個兒子西滿，儂是有福人，因啟示儂個弗是血肉，而是我，天高頭個父。 我搭儂講：儂是伯多祿（磐石），在昰個磐石高頭，我個敎會要立起來，陰間個大門決弗能戰勝伊。 我要拿天國個鑰匙交撥儂；衹要儂在地丄向所束縛個，在天高頭也要撥束縛； 衹要儂在地丄向所釋放個，在天丄向也要撥釋放。（瑪16：17-19）

信徒人數

世界天主敎分佈

當今世界高頭個天主敎徒人數已經突破10億，主要分佈在南美、美國、以及歐洲南部地區。

主要個天主敎國家

天主敎在美國個發展邪氣迅速，在20世紀初年，天主敎還受到交關歧視，by過到1960年，肯尼迪就作爲第一位天主敎總統哉。到21世紀，天主敎已經成爲美國第一大敎會團體，有敎徒五千多萬。加上墨西哥移民個增長，現在天主敎人數還在增加。

巴西是南美洲頂大個天主敎國家，也擁著有世界第一大天主敎人口。弗過巴西個兩年新敎發展也邪氣快，一些球星，比方講卡卡就是從天主敎皈依到新敎個。

天主敎在歷史高頭一直對法國有交關影響，法國國王自稱爲天主敎守護者。在16世紀個辰光，法國爆發針對新敎徒個內戰基本保持天主敎爲國敎個色彩。不過自從1789年大革命開始，法國政府搭天主敎會個關係開始越來越遠。

天主敎在西班牙有崇高個地位，再征服運動就是拿天主敎當作支柱個。到20世紀西班牙內戰辰光，天主敎也成爲弗朗哥將軍個長槍黨抵抗共和分子個號召。西班牙歷史高頭出過交關聖徒，渠拉對南美洲個傳敎事業讓天主敎成爲西半球第一大宗敎。

意大利是敎宗個敎廷所在地，天主敎在此地影響邪氣大，基本高頭是人人信敎個局面。

江南天主敎

天主敎在江南地區個傳播有交關年數個歷史。在明朝後期，耶穌會個傳敎士利瑪竇就搭上海個徐光啓等讀書人建立聯繫。上海從昰個辰光開始就成爲江南天主敎個中心地區。目前上海個天主敎擁有130多座敎堂，分爲6個總鐸區進行管理。^[3]

到了十九世紀之後，天主敎終於能夠在江南公開傳播。由於上海法租界個關係以及老早個基礎。徐家匯成爲天主敎傳播個核心。建立起徐家匯天主堂，發展出土山灣藝術。在嘉興等場許，貤修造爻邪大個天主堂。

內部鏈接

• 基督教
• 東正教