第一趟鸦片战争

第一趟鴉片戰爭（First Opium War）是1839年9月4號到1842年8月29號（道光十九年七月廿七號到道光廿二年七月廿四號），清朝搭英國為貿易爆發個戰爭。戰爭個直接起因是鴉片貿易，直接導火線是清帝國個欽差大臣林則徐來勒廣東虎門銷煙，戰爭個結果是英國獲得勝利，清朝失敗，箇場戰爭也畀交關歷史學者認為是近代歷史個開端。

戰爭背景

帝國個閉關

1757年，清帝國為加強對南方各省控制，避免洋人搭東南居民過多接觸，關閉江、浙、閩三海關，只留廣州作為唯一城市，開始搞一口通商。1759年（乾隆廿四年），帝國進一步限制外國人來帝國貿易，批准兩廣總督奏報個《防範外夷規條》，除脫嚴格限制洋人貿易外，更規定交關商品弗允許出口。

外國商人只好來勒廣州各十三行進行貿易，實行公行制度，讓英國為代表個西方商人蒙受老大個損失。

英國來勒印度個鴉片儲存庫

貿易逆差

英國是歐洲頭號強國。18世紀末，來勒工業革命後，國內生產能力邪氣大個提高，更加需要一個大市場作為伊拉貨品個出口地，但帝國個閉關政策，讓伊拉個想法落空。迭個辰光個帝國，搭歷史高頭一樣，對外來物品沒啥大個興趣。反過來恐懼這些「奇技淫巧」讓統治弗穩，危害伊拉個江山。但英國人來勒另外一方面對帝國出口個瓷器搭茶葉有交關需求。這就讓兩邊個貿易逆差一直老大。

外交凌辱

喬治·馬戛爾尼伯爵

1793年（乾隆五十八年），英使喬治·馬戛爾尼來帝國，目的是要求帝國開放口岸，但帝國以為伊是向乾隆皇帝賀壽個，所以拿使團帶來個禮品當成是貢物。又因為馬戛爾尼堅持弗肯三跪九叩，讓帝國官僚搭皇帝儕老生氣，最後一拍兩散，啥結果也沒達成。

1816年（嘉慶廿一年），英國又派阿美士德來帝國，希望改善對帝國個通商關係。阿美士德也因為拒行內亞式個三跪九叩禮，畀驅逐，朆搭嘉慶皇帝會面。

1833年，又爆發珠江口鴉片爭端，箇件事體也是後來衝突個預演。