维吾尔族

维吾尔族（维吾尔语：ئۇيغۇر / Uyghur / Уйғур），是生活拉欧亚大陆内陆个突厥语民族，主要分布垃中国新疆南部搭中亚地区，主要使用属突厥语族个维吾尔语搭以波斯阿拉伯字母为基础个维吾尔老文字。大部分维吾尔人信伊斯兰教逊尼派。

文化

闲话

主文章：维吾尔语

难朝个维吾尔闲话分类丄是突厥语系葛逻禄语支个一支。渠用过好几种文字。一开始用回鹘字母，因为伊斯兰教个兴起，开始用阿拉伯字母为基础写维吾尔语，叫老维文。到近现代，有西里尔维文、新维文搭仔拉丁维文。

吃食

维吾尔菜貤有中亚元素，貤有中国元素。日常个主食就是馕，也会得吃抓饭搭拉条子个种主食。维吾尔抓饭蛮常见个一种做法是先拿胡萝卜搭羊肉（或者鸡肉）搭洋葱一淘用油爆香，再摆米咾水进去蒸。有辰光还会得加点葡萄干咾杏脯。

馕 抓饭 烤串 拉条子 大盘鸡