回教
From Wikipedia, the free encyclopedia
Remove ads
回教 (上海言話: ɦuɛ tɕiɔ)，也好稱為伊斯蘭教，(阿拉伯語: الإسلام al-』islām, 國際音標: [ʔislæːm]) 是一千三多年前公元七世紀個辰光，先知穆罕默德將天帝真主安拉個言話錄在個古蘭經勒許，乃興已傳播到五洲四海里向。
教義
回教是一種嚴格個一神教，信徒稱為穆斯林，意思是順從者。伊拉每天頂大個功課就是朝拜真神胡大。日逐要朝拜五趟。還要遵守弗吃豬肉等食物禁忌。女性身體大部分是弗好露出來，男性還要蓄鬍須。迭眼規矩嚜，搭別個宗教兩樣，是寫進伊拉個聖訓里向個，一個字也弗好改得個。
歷史
回教個發展是阿拉伯部落擴張個產物，搭伊拉個創始人默罕默德有邪氣大個關係。假使嘸沒迭個人嚜，也就嘸沒現在個回教。世界歷史也會得改寫。
誕生背景
回教誕生在拉公元7世紀個阿拉伯半島，此地是一個交關荒蕪個場許，嘸啥農耕文化，大部分人儕是游牧民，雖則有一眼猶太人拿外部世界搭此地聯繫起來，弗過無麼幾許人有基本個世界常識。阿拉伯部落生活個狀態幾千年以來無啥變化，基本處於部落酋長社會當中。弗過，從公元4世紀開始，北面個一神教已經開始影響到當地個居民，雖然來勒麥加仍舊有交關多神崇拜，弗過有種介部落已經開始接受基督教哉。默罕默德老早也是受到交關基督教個影響。此人野心邪氣大，想通過宗教個方式讓阿拉伯人擴張征服中東地區，個咾篡改基督教搭猶太教個經典，濫改講自家是真主個傳授，開始望周邊傳教。伊迭種舉動邪氣符合迭個辰光阿拉伯人個擴張要求，個咾一歇歇便開始傳播起來。
迅速持續個擴張
回教擴張速度邪氣快，一直到當今社會也弗歇個。在拉默罕默德死脫之後一百年之內，回教就從阿拉伯半島擴張到大西洋搭帕米爾高原。到10世紀個辰光又開始逐漸征服南亞、東南亞群島、小亞細亞、南俄草原以及中亞。到15世紀之前，回教已經成為世界上向第一大宗教哉。好迭能講，西方假使嘸麼地理大發現。回教老早就一統全球哉。
教派分裂
回教擴張個過程當中，拿交關老早個游牧部落吸收進來，里向包括聖門弟子、麥加富商、波斯貴族咾啥。但箇眼人個利益是有矛盾個——回教帝國建立後，伊拉開始相互鬥爭。到7世紀末，逐漸公開分裂，形成功兩個主要流派：遜尼派搭什葉派。伊拉矛盾個中心是哈里發繼承人個問題，別個方面推扳弗大。
Remove ads
教派
- 遜尼派（阿拉伯語：أهل السنة ʾ，Ahl ūs-Sunnah），又譯素尼派，原意為遵循聖訓者。頂大個派別，占穆斯林85－91%。自稱「正統派」，主張古蘭經一字不可改，堅持傳承，認為穆罕默德繼承人應該由選舉產生，尊崇來拉政治上主要掌權個歷任哈里發；搭什葉派個武裝衝突日益增加。
- Wahhābi（阿拉伯語：وهابية ，Wahhābiya(h)）18世紀分化出來，自稱「神論者」，極端保守。
- 什葉派（阿拉伯語：شيعة，Shīʿah），原意為阿里個追隨者，第二大宗派，占穆斯林10－20%。自視穆斯林里個「精英」，相信穆罕默德指定着女婿阿里·本·阿比·塔利卜作為渠個繼承人（第四任哈里發），認為只有阿里眼後裔再好做伊瑪目（穆斯林領袖）。
- 伊巴德派，第三大教派，尊崇先知穆罕默德搭著前兩任哈里發阿布·伯克爾、歐麥爾·本·赫塔卜，認為渠拉執政時期是伊斯蘭頂理想個時代。
- 蘇菲派（阿拉伯語：تصوّف，taṣawwuf），密契主義（或稱神秘主義），為追求精神層面提升個伊斯蘭教團，其詮釋方式有別於一般個穆斯林，渠拉來拉生活方面相當嚴格。
信徒分布
回教個信徒叫做穆斯林，意思是聽伊拉真主指示個人。個咾回教徒大部分儕強調順從，認為女人順從男人、男人順從真主，是天經地義。現代社會裏，回教分布範圍及其寬廣。除脫核心個中東、北非、南亞、中亞之外，現在靠高出生率搭偷渡移民，在拉俄羅斯、西歐、美國儕有迅速增長個趨勢。2015年個歐洲難民危機當中，大部分所謂難民儕是回教徒，外加多數是青年男性。
風俗習慣
回教弗單單是一種精神信仰，也是一種政治形態、一種生活習慣。個咾回教信徒搭本生地區個居民生活習慣大推大扳，譬方講弗吃豬肉、弗准外婚、女性纏頭巾等。在拉交關回教徒看來，弗遵守古蘭經規矩個回教徒是假穆斯林。
回教個宗教習俗通常包括五功，迭個五功是「念、禮、齋、課、朝」，是回教徒需要奉行個五個義務。回教交關要干涉世俗，伊拉有得自家個一套中世紀法律，會得去干涉社會個每一個層面，從吃啥、做啥到殺啥人，儕做出規定。弗過，大部分情況下底，穆斯林並弗曉得自家要遵守啥習慣，儕是由伊拉個阿訇決定個。
文明衝突
回教替世界上大部分別他文明之間儕有衝突，具體表現為：在拉中東迫害排斥當地個基督徒替猶太教徒；在拉非洲排斥當地個原始宗教信徒、迫害基督徒；在拉歐洲設立沙利亞教法、排斥他人進入，外加拒絕融入當地文化、攻擊所在國文化；在拉東南亞進行所謂個獨立運動；在拉菲律賓、泰國南部、緬甸西部公然進行分裂活動；在拉中亞招攬聖戰士、建立純粹個回教國家並汏當地人腦子。回教替世界大部分文明之間個衝突，已經成為乃朝世界必須面對個重大問題。加上仔伊拉個移民搭仔出生率邪氣高，未來迭種衝突可能會得更加嚴重。
江南回教
江南地區個回教，是蒙古人統治下頭帶得來個。元朝辰光，大批個色目人來到江南定居，像杭州、松江等地個清真寺就是伊歇辰光修起來個。色目人霸道，讓江南人吃苦頭。弗過到元朝末年，吳越人方國珍拿伊拉驅逐出境。在拉之後個明帝國搭清帝國統治辰光內，由於伊拉搭中東回教交流較少，已經相當本地化哉。弗過近年來西北個保守回民開始跟牢移民大軍流竄進入江浙，伊拉對回教個理解搭江浙個本土回民有交關弗同。在拉浙江義烏，有邪氣多個中東阿拉伯穆斯林。伊拉修造清真寺、養交關後代，對江南地區各民族構成，會得帶來邪氣大個影響。
外部連結
- 中文伊斯蘭文獻專著
- 西方哲學史-回教文化及其哲學 檔案，存勒互聯網檔案館當中。（2007年8月3號）
- 全球通史：伊斯蘭教個興起
- 教詣網(cennet)
- 奉至仁至慈個真主之名
- 螞蟻世界
- 中國伊斯蘭徒資訊 檔案，存勒互聯網檔案館當中。（2007年7月16號）
Wikiwand - on
Seamless Wikipedia browsing. On steroids.
Remove ads