苏州轨道交通1号线

蘇州軌道交通1號線是蘇州軌道交通第一條開工建設搭運營個地鐵線路，也是中國第一條運營範圍全部拉同一非副省級地級城市內個地鐵線路。1號線是蘇州東西方向個主幹線路，一期工程全長25.739公里。整條線路西起天平山腳下個木瀆，東至金雞湖東個鐘南街，橫跨蘇州四個區，共設24個站，全部為地下車站。

線路簡介

蘇州地鐵1號線是垃拉2012年4月28號正式通車，共總24個站頭，是釆用B型車4節編組，通通儕是地下線。起點是吳中區個木瀆站，終點是勒了工業園區個鍾南街站。造仔一座天平車輛段與綜合基地；還有蘇州樂園特星塘街2座變電站；控制中心勒了廣濟南路軌交大廈里向。勒了迭條線路高頭，只有廣濟南路是側式站台（勒了右邊開門），還有23個車站通通都是島式站台（勒了左邊開門）。

線路設站

木瀆 - 金楓路 - 汾湖路 - 玉山路 - 蘇州樂園 - 塔園路 - 濱河路 - 西環路 - 桐涇北路 - 廣濟南路 - 養育巷 - 樂橋 - 臨頓路 - 相門 - 東環路 - 中央公園 - 星海街 - 金雞湖西 - 科文博覽中心 - 時代廣場 - 星湖街 - 南施街 - 星塘街 - 鍾南街

好調個線路

• 蘇州樂園 — 調3號線
• 廣濟南路 — 調2號線
• 樂橋 — 調4號線
• 東方之門 — 調3號線
• 星塘街 — 調5號線 (朆啟用)

站頭裝修

蘇州軌道交通1號線裝修設計遵循六大原則：安全、適用、經濟、美觀、環保、節能。1號線的站頭採用高2.7米嗰純白色牆，牆面的最最高頭特最最下頭通通有一條寬0.15米個黑色嗰飾帶；地面採用600*900統一個灰色大理石地板，外加要用深色材料收邊；客服中心採用半高形式；欄杆統一採用玻璃護欄。

1號線全線總體嗰色調統一勒了黑白灰個基調高頭，充分體現蘇州儒雅特內斂個傳統風格。除此以外，為字表現現代蘇州嗰活力，所有站頭被分成「吳中-新區段」、「古城段」、「園區段」。勒了當中，用清新的藍色和綠色表現「吳中-新區段」嗰青山綠水，用木色表現「古城段」嗰柔和典雅，用熱烈個暖色表現「園區段」嗰活力特熱情。站點嗰柱面兩旁邊採用弗同顏色嗰馬賽克，其中「吳中-新區段」是藍色到綠色嗰過渡，「古城段」是白色搭黑色相間嗰，「園區段」為暖色逐漸加深的過渡。除此以外，各嗰站頭採用各弗相同個中心區頂面、藝術座椅來表現站頭嗰區域特性。

參照

• 蘇州軌道交通

維基共享資源里向尋得着搭該篇文章搭界個多媒體資源：

蘇州軌道交通1號線