苏州轨道交通3号线

苏州轨道交通3号线是苏州轨道交通个一条东西方向个主干地铁线路，沿途经过高新区、吴中区、工业园区。线路全长45.272公里，设站37座，侪是地下车站，其中换乘站14座。伊跟8号线形成组合环线。

同11号线贯通运营

主文章：苏州市轨道交通11号线与3号线工程贯通运营改造项目

勒拉2023年年底，11号线个车子会得跑进3号线线路里向贯通运营，也就是车子好从11号线开到3号线个站头浪^[1]。

2024年6月29号，3/11号线完成全线贯通改造并运营。平峰个辰光，全线全车站贯通运营；高峰个辰光，3号线会得开行苏州新区火车站到葑亭大道站个小交路^[2]。