苏格兰

蘇格蘭（英語、低地蘇格蘭語：Scotland；蘇格蘭蓋爾語：Alba）是英國個構成國之一。伊個首都是愛丁堡。來勒大不列顛島個北部，搭英格蘭通過哈德良長城分割，周邊被大西洋環繞包圍，東面挨牢北海，西南面對北海海峽搭愛爾蘭海。全國有790多個島。^[1]。蘇格蘭是一個有邪氣豐富文化特點個地方。伊拉個格子花紋、凱爾特音樂、畜牧業搭威士忌儕享譽世界。雖然來勒外交、軍事、金融、政策等事體高頭受英國國會個管轄，但蘇格蘭對於內部個立法、行政高頭，擁有一定程度個自治，來勒聯合王國內規模僅次於英格蘭。

Glasgow 個大禮拜堂。

歷史

歷史上，蘇格蘭個文字記載大多源自古羅馬占據大不列顛島時期個紀錄。當時，英格蘭搭威爾斯是羅馬帝國個一省份，稱為不列顛尼亞。不列顛尼亞以北（也就是乃歇蘇格蘭個部分）被稱為加勒多尼亞，弗被古羅馬所管轄，是皮克特人居住個地區。

公元5世紀，愛爾蘭北部個蓋爾人（凱爾特人個一支）移居蘇格蘭，曾拉阿蓋爾郡搭比特郡地區建立達爾里阿達王國。此後向東擴張到阿瑟爾森林搭厄恩河谷，向北擴張到埃爾金地區。843年達爾里阿達國王麥卡爾平兼任皮克特王國個國王，建立阿爾巴（Alba）王國，王號為肯尼思一世。此後，蘇格蘭王國歷經對鄧凱爾德王朝、坎莫爾王朝、巴里奧爾王朝、英格蘭占領、布魯斯王朝搭仔斯圖亞特王朝統治，到1707年搭英格蘭王國合併成為聯合王國後弗復存在。