荷兰东印度公司

荷蘭東印度公司（荷蘭文：Vereenigde Oostindische Compagnie）是近古荷蘭共和國向印度洋搭太平洋進行商業，殖民活動辰光成立個一家有國家支持個商人企業。迭個企業搭17世紀蠻多所謂個公司一樣，具有殖民政府個性質。成立公司，好幫助荷蘭更加好融資並分配執行地利潤。荷蘭東印度公司從16世紀挨末階段八十年戰爭開始，向東方迅猛擴張，慢慢替代葡萄牙人，成為東南亞頂頂有攻擊性個勢力，17世紀初，已經佔領乃朝爪哇島並建立巴達維亞殖民地。之後，又北上襲擊蠻多葡萄牙人個堡壘（包括葡屬澳門)並搶奪伊比利亞國家個東亞貿易。1610年代，獲得德川家康信任，取得對日本貿易個西方壟斷權。之後，搭閩地豪強鄭芝龍個家族進行長期戰爭，同時開始殖民台灣島。建立荷屬台灣。1662年，從荷屬台灣退出，勢力開始衰退到東南亞地區。同時國家干預日益增強，到19世紀，畀荷蘭殖民政府取代。