蕰川公路

蕰川公路，部分路段叫蕰川路，是中华人民共和国上海市一条南北向个路^[1]:4，是条省级公路^[2]。个路江杨北路望南段是上海省道127个一部分，江杨北路望北段是346国道个一部分^[2]。个路南起蕰藻浜^[3]:公路，北到洋桥村接沪太公路^[1]:178，总长19.5公里^[3]:公路，路阔7到14米^[3]:公路。上海轨道交通1号线共富新村站、宝安公路站、友谊西路站、富锦路站均贴牢蕰川公路造个^[1]:24-184，南北高架路北段勒垃蕰川公路钱鑫路路口附近接地^[1]:24。

历史

蕰川公路1975年造个，伊辰光是乡村公路^{[4]:干线公路}，南端勒垃纪蕰路蕰藻浜，北端勒垃罗泾镇小川沙。1976年2月份，宝山县公路管理所开始造路基，6月份开始修路面，1978年4月份造好哉^[5]:公路。1978年3月份，有只宝山钢铁公司建设需要个因头，按照干线公路标准拓宽改建^{[4]:干线公路}，造仔19座永久式桥，1979年底投用^{[4]:干线公路}。1980到1990年，造仔老蕰川路搭仔北蕰川路，1995年，道路望北延伸^[6]:道路。2004年^[7]6月份到11月份，沈师浜桥段开工建设^[6]:道路，并于2006年12月前竣工投用^[8]。2023年，进行了蕰川路联谊路排堵保畅工程^[9]。到2023年2月份，个路南起蕰藻浜^[10]:42，北到洋桥村接沪太公路止^[10]:92。个公路有高速化规划^[11]，2022年获得批复^[12]，2025年8月份启动高速桥梁上部结构施工^[13]。

路边建筑

除开共富新村站、宝安公路站、友谊西路站、富锦路站四只地铁站，上海济光职业技术学院、百联北上海购物中心、宝钢集团宝山厂区咾啥也勒垃蕰川公路路边壗^[1]:24-184。个路帮沪太公路、潘川路、金石路、古莲路、钱鑫路等路有路口^[1]:24-184。

公交枢纽

蕰川路丄有得蕰川路枢纽、富锦路枢纽两只枢纽站。蕰川路枢纽勒垃蕰川路泰和路外环高架底下，共富新村站边浪。个枢纽2002年4月份开工个，2003年底完工，2004年11月投用，里向停仔有宝山2路、宝山15路、宝山16路、嘉泰线咾啥个公交线路。富锦路枢纽勒垃杨北路蕰川公路路口，富锦路站边浪，2009年2月份造个，2011年1月份投用，里向停仔宝山6路、宝山14路咾啥个公交线路^{[14]:公共交通与停车场换乘枢纽}。

研究

目前对蕰川公路搭仔伊高速化个研究有两篇文献，分别是《城市化地区的S16蕰川路高速公路选线技术研究》^[11]搭仔《大型公交枢纽道路交通组织研究——以富锦路公交枢纽为例》^[15]。