蕰川公路

薀川公路，部分路段叫薀川路，是中華人民共和國上海市一條南北向個路^[1]:4，是條省級公路^[2]。箇路江楊北路望南段是上海省道127個一部分，江楊北路望北段是346國道個一部分^[2]。箇路南起薀藻浜^[3]:公路，北到洋橋村接滬太公路^[1]:178，總長19.5公里^[3]:公路，路闊7到14米^[3]:公路。上海軌道交通1號線共富新村站、寶安公路站、友誼西路站、富錦路站均貼牢薀川公路造個^[1]:24-184，南北高架路北段勒垃薀川公路錢鑫路路口附近接地^[1]:24。

歷史

薀川公路1975年造個，伊辰光是鄉村公路^{[4]:幹線公路}，南端勒垃紀薀路薀藻浜，北端勒垃羅涇鎮小川沙。1976年2月份，寶山縣公路管理所開始造路基，6月份開始修路面，1978年4月份造好哉^[5]:公路。1978年3月份，有隻寶山鋼鐵公司建設需要個因頭，按照幹線公路標準拓寬改建^{[4]:幹線公路}，造仔19座永久式橋，1979年底投用^{[4]:幹線公路}。1980到1990年，造仔老薀川路搭仔北薀川路，1995年，道路望北延伸^[6]:道路。2004年^[7]6月份到11月份，沈師浜橋段開工建設^[6]:道路，並於2006年12月前竣工投用^[8]。2023年，進行了薀川路聯誼路排堵保暢工程^[9]。到2023年2月份，箇路南起薀藻浜^[10]:42，北到洋橋村接滬太公路止^[10]:92。箇公路有高速化規劃^[11]，2022年獲得批覆^[12]，2025年8月份啟動高速橋梁上部結構施工^[13]。

路邊建築

除開共富新村站、寶安公路站、友誼西路站、富錦路站四隻地鐵站，上海濟光職業技術學院、百聯北上海購物中心、寶鋼集團寶山廠區咾啥也勒垃薀川公路路邊壗^[1]:24-184。箇路幫滬太公路、潘川路、金石路、古蓮路、錢鑫路等路有路口^[1]:24-184。

公交樞紐

薀川路丄有得薀川路樞紐、富錦路樞紐兩隻樞紐站。薀川路樞紐勒垃薀川路泰和路外環高架底下，共富新村站邊浪。箇樞紐2002年4月份開工個，2003年底完工，2004年11月投用，里向停仔有寶山2路、寶山15路、寶山16路、嘉泰線咾啥個公交線路。富錦路樞紐勒垃楊北路薀川公路路口，富錦路站邊浪，2009年2月份造個，2011年1月份投用，里向停仔寶山6路、寶山14路咾啥個公交線路^{[14]:公共運輸與停車場換乘樞紐}。

研究

目前對薀川公路搭仔伊高速化個研究有兩篇文獻，分別是《城市化地區的S16薀川路高速公路選線技術研究》^[11]搭仔《大型公交樞紐道路交通組織研究——以富錦路公交樞紐為例》^[15]。