衡山路

衡山路是上海市徐匯區個一條街，東北從桃江路接寶慶路，西南到華山路肇嘉浜路交會處，全長2046米。這條路是1922年法租界公董局造個，老底子是上海法租界一條主要幹道，路壗邊是法國梧桐，路邊多個是歐式花園別墅，伊個辰光叫貝當路，1943年租界畀汪精衛政府接收以後改成衡山路。1990年代開始，衡山路演變成酒吧街。2015年以後，衡山路丄個酒吧慢慢交儕結業搬脫哉。^[1]乃朝是衡復歷史文化風貌區個一部分。