衡山路

衡山路是上海市徐汇区个一条街，东北从桃江路接宝庆路，西南到华山路肇嘉浜路交会处，全长2046米。这条路是1922年法租界公董局造个，老底子是上海法租界一条主要干道，路壗边是法国梧桐，路边多个是欧式花园别墅，伊个辰光叫贝当路，1943年租界畀汪精卫政府接收以后改成衡山路。1990年代开始，衡山路演变成酒吧街。2015年以后，衡山路丄个酒吧慢慢交侪结业搬脱哉。^[1]乃朝是衡复历史文化风貌区个一部分。