路德维希·凡·贝多芬

路德維希·凡·貝多芬（德文：Ludwig van Beethoven，1770年12月16號－1827年3月26號），是18世紀阿末階段到19世紀早期歐洲頂頂有名個作曲家搭音樂人。伊出生神聖羅馬帝國科隆選侯國境內個波恩，之後到維也納發展並成為有名個音樂人。貝多芬年輕辰光是一個自由主義者，歡喜法國大革命搭拿破崙。後勢來，受到民族主義渲染，對拿破崙控制歐洲個作法邪氣反對，所以，又反過來支持反法同盟。並為威靈頓公爵譜寫《威靈頓個凱旋》。拿破崙戰爭結束之後，歐洲個形式開始重新保守，貝多芬對現狀覺着弗開心，身體更加推板，耳朵聾脫，到晏年，淒涼死脫。