金衢片

金衢片，是吳語一隻方言片，主要分布勒金衢盆地里向，人口620萬橫里，差弗多是吳語人口總數個12.4%。^[1]金衢片里向差異交關，有個縣嘸辦法互相交流^[2]:8。金華話、蘭溪話比較接近^[2]:8，衢州話搭龍游話幫除開蘭溪話個婺州片推板交關，劃到金衢片裡向蠻有爭議個，故咾也有人認為該幫上麗片一淘改成婺州片搭處衢片。

使用區域

金衢片方言個使用人口約莫600萬，分佈勒下底地區：

• 杭州市：建德市個乾潭鎮姚村、大慈岩鎮、航頭鎮個梅嶺、珏塘、石木嶺、宙塢源等村，淳安縣南部幫衢州市衢江區交界個少數村，比方講安陽鄉烏龍、黃家源、紅山岙、㟪嶺村，大墅鎮田門宅村。
• 金華市：市轄區（婺城區、金東區），蘭谿市，永康市，義烏市（除開大陳鎮北部個紅峰、燕窩兩隻村^{[lower-alpha 1]}），東陽市，浦江縣，武義縣（除開老底子宣平縣^{[lower-alpha 2]}），磐安縣（除開胡宅鄉、方前鎮、高二鄉^{[lower-alpha 3]}）。
• 衢州市：市轄區（柯城區、衢江區），龍游縣。
• 麗水市：縉雲縣。

注釋

1. 大陳鎮北部個紅峰、燕窩兩隻村是太湖片臨紹小片。
2. 原宣平縣是上麗片。
3. 胡宅鄉方言是太湖片臨紹小片，方前鎮、高二鄉方言是台州片。