金衢片

金衢片，是吴语一隻方言片，主要分布勒金衢盆地里向，人口620万横里，差弗多是吴语人口总数个12.4%。^[1]金衢片里向差异交关，有个縣呒办法互相交流^[2]:8。金华话、兰溪话比较接近^[2]:8，衢州话搭龙游话帮除开兰溪话个婺州片推板交关，划到金衢片里向蛮有争议个，故咾也有人认为该帮上丽片一淘改成婺州片搭处衢片。

使用区域

金衢片方言个使用人口约莫600万，分佈勒下底地区：

• 杭州市：建德市个乾潭鎮姚村、大慈岩镇、航头镇个梅岭、珏塘、石木岭、宙坞源等村，淳安县南部帮衢州市衢江区交界个少数村，比方讲安阳乡乌龙、黄家源、红山岙、㟪岭村，大墅镇田门宅村。
• 金华市：市辖区（婺城区、金东区），兰溪市，永康市，义乌市（除开大陈镇北部个红峰、燕窝两隻村^{[lower-alpha 1]}），东阳市，浦江县，武义县（除开老底子宣平县^{[lower-alpha 2]}），磐安县（除开胡宅乡、方前镇、高二乡^{[lower-alpha 3]}）。
• 衢州市：市辖区（柯城区、衢江区），龙游县。
• 丽水市：缙云县。

注释

1. 大陈镇北部个红峰、燕窝两隻村是太湖片临绍小片。
2. 原宣平县是上丽片。
3. 胡宅乡方言是太湖片临绍小片，方前镇、高二乡方言是台州片。